សាលាច្បាប់ ហាមសិស្សសរសេរសារណា លើប្រធានបទធំ ១៤ ខែមីនា 2, 2012
Posted by មេឃា in កខគឃង, Cambodia Feature Stories.trackback
តាមសេចក្តីជូនដំណឹងមួយ ចុះថ្ងៃទី០២ ខែកុម្ភៈ ឆ្នាំ២០១២ របស់សាកលវិទ្យាល័យ ភូមិន្ទនីតិសាស្រ្ត និងវិទ្យាសាស្រ្ត សេដ្ឋកិច្ច (សាលាច្បាប់) បានចេញ នូវបម្រាម ចំពោះនិស្សិត ថ្នាក់បរិញ្ញាបត្រ នីតិសាស្រ្ត និង រដ្ឋបាល សាធារណៈ ឆ្នាំសិក្សា ២០១១-២០១២ ជ្រើសរើស ប្រធានបទ មួយចំនួន ដើម្បីយកមក សរសេរសារណា បញ្ចប់ ឆ្នាំសិក្សា ទេ។ ប្រធានបទ ដែលសាលា ច្បាប់ មិនអនុញ្ញាត ឱ្យយកមក សរសេរ រួមមាន ៖
- បញ្ហាគ្រឿងញៀន ក្នុងសង្គម
- ការរៀបចំ និងការ ប្រព្រឹត្តិទៅ នៃ កាកបាទ ក្រហមកម្ពុជា
- គោលការណ៍ និងនីតិវិធីដោះស្រាយ វិវាទដីធ្លី នៅ ព្រះរាជាណាចក្រកម្ពុជា
- សមត្ថកិច្ចដោះស្រាយវិវាទ ដីធ្លីក្នុង ព្រះរាជាណាចក្រកម្ពុជា
- ផលប្រយោជន៍ទីផ្សារមូលបត្រនៅកម្ពុជា
- ការបង្ការ និងដោះស្រាយ វិវាទការងារ កម្ពុជា
- មជ្ឈត្តការពាណិជ្ជកម្ម និងមជ្ឈត្តការវិវាទ ការងារនៅ ព្រះរាជាណាចក្រកម្ពុជា
- និយ័តករទីផ្សារមូលបត្រ
- ការបោះផ្សាយមូលបត្រមហាជន
- ដំណើរការបោះផ្សាយលក់ មូលបត្រជាសាធារណៈ របស់សហគ្រាស សាធារណៈនៅកម្ពុជា
- ក្រុមហ៊ុនមូលបត្រ
- ការបោះផ្សាយលក់ មូលបត្រកម្មសិទ្ធិ ជាសាធារណៈជា លើកដំបូង
- ការចុះបញ្ជីក្រុមហ៊ុនពាណិជ្ជកម្ម
- ការផ្សព្វផ្សាយព័ត៌មាន ដែលមាន ឥទ្ធិពលលើមូលបត្រ
ប្រធានបទទាំង ១៤ ដែលសាលាច្បាប់ បានហាមប្រាម សុទ្ធតែជា ប្រធានបទក្តៅ និង កំពុង ចម្រូងចម្រាស់ខ្លាំង ក្នុងសង្គមបច្ចុប្បន្ន។ មិនមាន ការបញ្ជាក់ ហេតុផល ជា លាយ លក្ខណ៍អក្សរ ណាមួយ អំពី មូលហេតុដែល សាលាច្បាប់ មិនអនុញ្ញាត ឱ្យនិស្សិត ជ្រើសយក ប្រធានបទខាងលើ មកសរសេរ ក្នុង សេចក្តីជូនដំណឹង នោះទេ។ មិនមានព័ត៌មាន ប្រាកដ ណាមួយ ថា សាកល វិទ្យាល័យ ដទៃ មានការ ហាមប្រាម មិនឱ្យ សរសេរដែរ ឬជាការ កម្រិតថ្នាក់ ជាតិឬ យ៉ាងណា ដូចគ្នា ? សម្រាប់ និស្សិតឆ្នាំ បន្ទាប់ អាចត្រូវបានអនុញ្ញាត ឱ្យសរសេរ ប្រធានបទ ដោយសេរី ឬដាក់កម្រិត វាអាស្រ័យទៅលើ សាកលវិទ្យាល័យសាមី។
ទោះបីជាមានហេតុផល យ៉ាងណា ការដាក់កម្រិត ប្រធានបទ ក្នុង ការសរសេរ មិនធ្លាប់មាន ឡើយ នៅក្នុង ប្រទេស ប្រជាធិបតេយ្យ ប្រទេសអភិវឌ្ឍ ព្រោះ វាមានឥទ្ធិពល ដល់ការ លើកទឹកចិត្ត និស្សិត និងអ្នកសរសេរឯករាជ្យ ក្នុងកិច្ចការស្រាវជ្រាវ៕
មេឃា 
សាលាមានគោលបំណងរក្សាសុវត្ថិភាពជូនសិស្សនិស្សិតទេដឹង?
😀
បញ្ហាគ្រឿងញៀន ក្នុងសង្គម(sic)
សូមមេត្តាកុំយល់ច្រឡំ លោកអ្នកម្ចាស់ប្លុក ។ ខ្ញុំសូមបញ្ជាក់់ថា ប្រធានបទ ទាងត្រូវបាននិស្សិតជំនាន់មុន តាំងពីឆ្នាំ ២០០៣ រហូតមកដល់បច្ចុប្បន្ន ព្យាយាមលើកយកមកសរសេរ ។ ដើម្បីជៀសវាងការសរសេរប្រធានបទ ដដែលៗ ទើបការិយាល័យស្រាវជ្រាវរបស់សាកលវិទ្យាល័យសម្រេច ដក ប្រធានបទទាំងនេះ ចេញពីជម្រើសនានារបស់និស្សិត។ ដោយឡែក ចំពោះ ប្រធានបទ ស្តីពីមូលបត្រក៏ត្រូវបានហាមឃាត់ មិនមែនមកពី ប្រធានបទនេះ ពេញនិយមពេកទេ គឺដោយសារតែ ប្រធានបទទាំងនេះ និស្សិតបរិញ្ញាបត្រច្បាប មួយចំនួន បានសរសេរច្រើនណាស់មកហើយ ប៉ុន្តែ បច្ចុប្បន្ន ស្ថាប័នមួយនេះ មិនទាន់មានការលូតលាស់អ្វីគួរឲ្យកត់ សម្គាល់នៅឡើយ ដែលបណ្តាលមកពីស្ថានភាពហិរញ្ញវត្ថុពិភពលោក។
អរគុណសម្រាប់ ព័ត៌មាន… សូមបញ្ជាក់ថា ខ្ញុំក៏ជា អតីតនិស្សិតសាលាច្បាប់ដែរ…
ខ្ញុំមិនប្រាកដថា នេះជាការបកស្រាយ ការពារ សេចក្តីជូនដំណឹង ឬយ៉ាងណានោះទេ ? ដំបូង ប្រកាសរបស់ខ្ញុំ គ្រាន់ជាការជូនដំណឹងដល់ និស្សិតដែលត្រូវសរសេរសារណា បញ្ចប់ឆ្នាំសិក្សា ២០១២- ២០១២… ចុងក្រោយ គ្រាន់ជា ទស្សនៈវិភាគ របស់ខ្ញុំ ដែល យល់ថា ការសរសេរលិខិតជូនដំណឹង [លិខិតរដ្ឋបាល] គួរតែបញ្ជាក់ឱ្យ បាន ក្បោះក្បាយ នូវមូលហេតុ ដែលហាមប្រាម ក្នុងសេចក្តីជូនដំណឹង… ហើយ ដោយសារ យល់ឃើញថា ប្រទេសកម្ពុជា ខ្វះឯកសារ សរសេរច្រើន ដូច្នេះ ប្រធានបទសេរី គួរតែត្រូវបានលើកទឹកចិត្ត …
មកពីរសើបពេក !
អស់អីសរសេរហើយចឹង
មិនបាច់ស្រាវជ្រាវទៀតទេ
ប្រធានបទមានច្រើនណាស់ មកពីអ្នកបានយល់ ការចំណាយពេលផ្ទាល់ខ្លួន ប្រើវាឲ្យសមស្រប
ខ្ញុំគិតថាប្រហែលអ្នកស្រាវជ្រាវមានចំនួនច្រើនលើសលុបពេកហើយ ចំណែកឯឯកសារក៏សំបូរបែបដែរ។ ដូច្នេះមិនចាំបាច់ស្រាវជ្រាវនោះទេ!!!
The legal limitation in Cambodia has been seen as public. Educated people has not been allowed to use their knowledge.
លោកអតីតនិស្សិតច្បាប់មេត្តាជ្រាបថា គ្រប់មនុស្សមានសិទ្ធិក្នុងការសួរនាំ និងបញ្ចេញមតិ ចំណែកលោកមានសិទ្ធិក្នុងការបកស្រាយ និងឆ្លើយតប តែសូមឲ្យប្រាកដថាលោកមានហេតុផលច្យាស់លាស់ និងសម រម្យអាចទទួលយកបាន។ ឧ. បញ្ហាព័ត៌មានទីផ្សារមូលប័ត្រនៅកម្ពុជាមានអ្នកសរសេររួចហើយឬក៏លោកគ្រាន់តែឆ្លើយដោះសារ។
Radio ABC Australia Reported on 5 March, 2012 : សេចក្តីប្រកាសហាមឃាត់យកប្រធានបទមួយចំនួនធ្វើជាប្រធានបទនៃការសរសេរនិក្ខេបបទ បង្កឲ្យមានមតិភ័ន្តច្រឡំ
កាលពីពេលថ្មីៗនេះ មានមតិដោយឡែកផ្សេងៗពីគ្នាពីមជ្ឈដ្ឋាននិស្សិតបញ្ញវន្តខ្មែរជាច្រើនទាំងក្នុងស្រុក និងក្រៅប្រទេសពាក់ព័ន្ធនឹងសេចក្តីប្រកាសចេញដោយសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចដែលហាមប្រាមចំពោះនិស្សិតឆ្នាំទី៤ ក្នុងឆ្នាំសិក្សា ២០១១ – ២០១២ មិនឲ្យយកប្រធានបទមួយចំនួនមកធ្វើជាប្រធានបទសារណាបញ្ចប់ការសិក្សាឡើយ។ ការហាមប្រាមទៅលើប្រធានបទ ដែលភាគច្រើនជាប្រធានបទកំពុងរសើបផ្នែកនយោបាយនេះ ធ្វើឲ្យបញ្ញវន្តមួយចំនួនយល់ថា ជាការបិទសិទ្ធិសេរីភាពនៃការស្រាវជ្រាវ ហើយក៏ជាសារមួយដល់អ្នកវិភាគសង្គមឲ្យជៀសវាងលើកយកបញ្ហាទាំងនេះមកធ្វើការវិភាគផងដែរ។
ដោយឡែកលោក ច្រឹង ហៃ ដែលជាប្រធានការិយាល័យស្រាវជ្រាវរបស់សកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចបានបដិសេធចំពោះការយល់ឃើញទាំងនោះ ដោយលើកហេតុផលថា ប្រធានបទដែលសកលវិទ្យាល័យហាមយកមកធ្វើសារណានេះគឺដើម្បីជៀសវាងការសរសេរប្រធានបទដដែលៗ ហើយនិស្សិតក៏មិនអាចលួចចំលងសារណាមុនៗបានថែមទៀត។
មូលបត្រប្រធានបទដដែល? ចឹងសរសេរពីអំពើពុករលួយទៅ នេះប្រហែលជាប្រធានបទថ្មី ២ម៉ោងអាចសង្ខេបបានហើយ ចំពោះការប្រឡងនោះ!
ចូរបងប្អូនកុំគិតថានេះមកពីបញ្ហានយោបាយ ឬមួយក៏វាជាប្រធានបទរសើប។ បើសិនជាប្រធានបទនោះមិនអនុញ្ញាតឲ្យសរសេរដោយសារវារសើប ចុះប្រធានបទពាក់ព័ន្ធនឹងសម្បទានដីសេដ្ឋកិច្ច ហេតុអ្វីបានជាសាលាមិនបិទ? ចុះចំនែកឯពាក់ព័ន្ធនឹងច្បាប់ និងស្ថាប័នអំពើពុករលួយម្តេចក៏សាលាមិនហាមប្រាម? ចំពោះចម្ងល់ដែលថាប្រធានបទពាក់ព័ន្ធនឹងមូលប័ត្រវិញ វាមិនមែនជាប្រធានបទថ្មីនៅសាលាច្បាប់ទេ ព្រោះមានសារណាក៏មិនតិចដែរពីមុនដែលសរសេរពីវា ហើយបើអ្នកទាំងអស់គ្នាចង់ឲ្យកាន់តែច្បាស់អាចទៅបណ្ណាល័យសាលាច្បាប់មើលបាន។ ម្យ៉ាងទៀតសាលាហាមតែប្រធានបទខាងលើទេ ឧទាហរណ៏ពាក់ព័ន្ធនឹងវិវាទដីធ្លី សាលាបិទតែប្រធានបទគោលការណ៏និងនីតិវិធីដោះស្រាយវិវាទដីធ្លី តែនិសិ្សអាចយកប្រធានបទដែលពាក់ព័ន្ធនឹងវិវាទដីធ្លីដទៃទៀតបានដែរដូចជាមូលហេតុនៃវិវាទដីធ្លីជាដើម។
Just desire to say your article is as astonishing. The clarity to your submit is just
cool and i could suppose you are a professional in this
subject. Fine with your permission let me to grasp
your RSS feed to keep up to date with coming near near post.
Thank you a million and please keep up the gratifying work.