Posted by មេឃា in កខគឃង .
លិខិតស្នើសុំ របស់ ចៅសង្កាត់វាលវង់ ខណ្ឌ៧មករា រាជធានីភ្នំពេញ «សំណើសុំ ស្រាបៀរ ២កេស ទឹកក្រូច ២កេស ដើម្បីអបអរសាទរក្នុងបុណ្យចូលឆ្នាំចិន នៅថ្ងៃខាងមុខ សាលាសង្កាត់មានរៀបចំ ពិធីសំណេះសំណាលមួយ នៅ ស្នាក់ការសង្កាត់ ជាមួយថ្នាក់ដឹកនាំ និងបុគ្គលិកសង្កាត់។ អាស្រ័យហេតុនេះ សូមលោកឧកញ៉ា លោក លោកស្រី មេត្តាជួយសម្រួល និងដោះស្រាយតាមសំណើខាងលើ ដោយមនោសញ្ចេតនារាប់អានដ៏ខ្ពស់បំផុត។
អ្នកស្រី កែវ សាកល ចៅសង្កាត់វាលវង់ បានប្រាប់ដើមអម្ពិល តាមទូរស័ព្ទ កាលពីនៅថ្ងៃទី ៣០ ខែមករា ឆ្នំា ២០១៣នេះថា «ការស្នើសុំការឧបត្ថម្ភពីក្រុមហ៊ុន ពាណិជ្ជករ អាជីវករ នៅក្នុងមូលដ្ឋាន សម្រាប់យកមករៀបចំពិធីហូបចុកជួបជុំមន្ត្រីនៅក្នុងមូលដ្ឋាន ដែលជាទំលាប់អ្នកស្រីតែងតែធ្វើជារៀងរាល់ឆ្នំាំ។ ការចេញលិខិតជាផ្លូវការបែបនេះ ដោយសារតែក្រុមហ៊ុនមួយចំនួន ដែលឧបត្ថម្ភ ត្រូវការលិខិតដើម្បី រាយការណ៍ទៅមេ ឬក៏ដាក់ក្នុងបញ្ជីរបស់ក្រុមហ៊ុនគេ។»
អាជីវករនៅក្នុងសង្កាត់វាលវង់មួយរូប ដែលបើករកស៊ី នៅនឹងផ្ទះរៀងគ្រាន់បើដែរនោះ បានប្រាប់ ដើមអម្ពិល ឲ្យដឹងថា ការធ្វើលិខិត ស្នើសុំបែបនេះ របស់លោកស្រី ចៅសង្កាត់វាជា ទំលាប់ ទៅហើយ មិនថា បុណ្យចូលឆ្នំាចិន ចូលឆ្នំាខ្មែរ បុណ្យភ្ជុំបិណ្ឌ ឬ បុណ្យអ៊ុំទូកនោះទេ ពេលខ្លះគ្រាន់ និមន្តលោក ២អង្គ សូត្រមន្ត សោះ ក៏ដើរសុំទឹកក្រូច សុំស្រាបៀរគេដែរ គ្រាន់តែពេលខ្លះឃើញ មានលិខិតសុំផ្លូវការ និងពេលខ្លះទូរស័ព្ទសុំឬ មកសុំដល់ផ្ទះដោយផ្ទាល់តែប៉ុណ្ណោះ។ បើអាជីវករម្នាក់ សុំបានទឹកក្រូច ២កេស ស្រាបៀរ ២កេស ម៉្លេះ ម៉ាសង្កាត់វាលវង់ទំាងមូលដែលសុទ្ធតែជាផ្ទះរកស៊ី ទីស្នាក់ការសាលាសង្កាត់ ទំាំងមូលមិនដឹងថា ដាក់ស្រាបៀរ ដាក់ទឹកក្រូច ដែលបានមកពី ស្មុំគេអស់ដែរឬ អត់ នោះទេ។
0.000000
0.000000
Posted by មេឃា in កខគឃង .
The WordPress.com stats helper monkeys prepared a 2012 annual report for this blog.
Here’s an excerpt:
4,329 films were submitted to the 2012 Cannes Film Festival. This blog had 42,000 views in 2012. If each view were a film, this blog would power 10 Film Festivals
Click here to see the complete report.
0.000000
0.000000
Posted by មេឃា in កខគឃង .
Tags: ពែកមី
មេឃា ៖ នាយពែកមី តារាកំប្លែងសម័យថ្មី ដែលប្រើសម្តី មិនសំចៃម៉ាត់ តាមកញ្ចក់ទូរទស្សន៍ CTN បានងាកមកស្វែងរកអ្នកគាំទ្ររបស់ខ្លួន លើទំព័រហ្វែសប៊ុកហើយ។ ទំព័ររបស់នាយពែកមី ដែលទើបបង្កើត ឡើងនៅថ្ងៃទី០២ ខែមករា ឆ្នាំ២០១៣ ប៉ុណ្ណោះ តែអ្នកគំាទ្រដែលធ្លាប់ស្គាល់ និងចូលចិត្ត នាយ បានទម្លាក់ មេដៃគាំទ្រលើទំព័ររបស់នាយ កើនឡើងរហូតដល់ ជិត៦០០០ នាក់ ក្នុងរយៈពេលមួយសប្តាហ៍ ប៉ុណ្ណោះ។ ទំព័រហ្វែសប៊ុករបស់នាយពែកមី មានប្រកាសស្វាគមន៍អ្នកគាំទ្រនូវ រូបភាព/វាចារ/វិដេអូ សំណើច ផ្សេងៗ ហើយ នាយក៏មិនភ្លេចប្រកាសស្វែងរក ការចូលរួមជាសំណើចផ្សេងៗ ពីអ្នកគំាំទ្រផងដែរ។
បើចូលចិត្តគាត់ សូមជួយគាំទ្រ តាមរយៈ ទម្លាក់មេដៃ បង្ហាញការចូលចិត្តនៅលើហ្វែសប៊ុក https://www.facebook.com/PerkMi
Posted by មេឃា in សម្ងាត់បំផុត .
មួយរយៈនេះ មានអារម្មណ៍ថា ខ្លួនឯង មិនសូវបញ្ចេញមតិចរិកក៏រាងស្លូតជាងមុនឆ្ងាយណាស់ challenge ក៏មិនសូវមាន ដូចមុន។ ធ្វើការតតាំង ឬវែកញែកច្រើន នាំអោយអ្នកស្តាប់កាន់តែមិនពេញចិត្តច្រើន ទោះបី ជាយោបល់ មានលក្ខណៈបច្ចេកទេស តែបើ មិនត្រូវបេះដូង អ្នកស្តាប់គឺ គ្មានផលឡើយ ព្រោះត្រូវដោះស្រាយជាមួយនឹងមនុស្សដែលគ្មានសិល្បះក្នុងបេះដូង និងគ្មានចំណេះផ្នែកsocial media ហើយជា អ្នកសម្រេចចិត្តទៀត។
គ្មានវាចារ មិនមែនមានន័យថា ខ្ញុំបោះបង់ទេ កុំបារម្ភ ខ្ញុំគ្រាន់តែ បណ្តោយអ្នកមួយខ្យល់ប៉ុណ្ណោះ។ ជឿចុះថា មិនថា អ្នកសម្រេចចិត្តយ៉ាងណា លទ្ធផលនឹងតបស្នប។ ខ្ញុំសម្រេចចិត្ត មិនតបត ហើយព្រមធ្វើតាមអ្នក មិនមែនមានន័យថា ខ្ញុំទន់ខ្សោយ ឬចុះចាញ់ទេ ខ្ញុំគ្រាន់តែផ្លាស់ប្តូរ ស្នៀត ដើម្បីប្រយុទ្ធប៉ុណ្ណោះ។
ជាការពិត បើប្តូរគេមិនបាន មានតែផ្លាស់ប្តូរខ្លួនឯង។ អ្វីដែលប្រាកដ ទោះបីជា ផ្លាស់ប្តូរយ៉ាងណា ក៏ខ្ញុំអាចញញឹមបាន 🙂
Posted by មេឃា in នាយករដ្ឋមន្ត្រី , Cambodia Feature Stories , KING -ព្រះមហាក្សត្រ .
ការដ្ឋានសាងសង់ព្រះមេរុសម្រាប់ថ្វាយព្រះភ្លើងព្រះបរមសពព្រះមហាវីរក្សត្រ @Sovanna KEM
ក្នុងពេលត្រួតពិនិត្យការដ្ឋានសាងសង់ព្រះមេរុសម្រាប់ថ្វាយព្រះភ្លើងព្រះបរមសព ព្រះបាទ នរោត្តម សីហនុ នៅព្រឹកថ្ងៃអង្គារ ទី១៨ ខែធ្នូនេះ លោកនាយករដ្ឋមន្ត្រី ហ៊ុន សែន បានប្រាប់អ្នកសារព័ត៌មានថា ទឹកប្រាក់សរុបដែលចំណាយលើការកសាងព្រះមេរុ អស់ប្រាក់តិចជាង ១លាន២សែនដុល្លារ តែប៉ុណ្ណោះ។
លោកនាយករដ្ឋមន្ត្រីបន្ថែមថា គម្រោងសាងសង់នេះ គឺមិនត្រូវបានដាក់ឲ្យដេញថ្លៃទេ ព្រោះអាចនាំឲ្យយឺតពេលក្នុងការសាងសង់។ ការសាងសង់ព្រះមេរុសម្រាប់ថ្វាយព្រះភ្លើងនេះ ត្រូវចំណាយពេលប្រមាណជាង ៣ខែ ហើយប្រើប្រាស់កម្មករប្រមាណ ៣៤៣នាក់។ លោកមានប្រសាសន៍ថា «ការសាងសង់នេះ គឺរដ្ឋាភិបាលបានឲ្យក្រុមហ៊ុនកូនរបស់លោក គង់ សំអុល រដ្ឋមន្រ្តីក្រសួងព្រះបរមរាជវាំងសាងសង់» ។
ការលើកយកប្រធានបទ តម្លៃសាងសង់ព្រះមេរុ ប្រាប់អ្នកសារព័ត៌មាន ចំៗបែបនេះ ព្រោះលោកនាយករដ្ឋមន្រ្តី ចង់ប្រតិកម្មទៅនឹងសេចក្តីរាយការណ៍របស់ អ្នកនាំពាក្យខុទ្ទកាល័យព្រះបរមរាជវំាង ព្រះអង្គម្ចាស់ ស៊ីសុវត្ថិ ធម្មិកោ ទៅសារព័ត៌មាន កាលពីថ្ងៃអាទិត្យ ទី១៦ ខែធ្នូ ថា សំណង់ព្រះមេរុ នេះ ចំណាយអស់ជិត ៥លានដុល្លារ។ លោកនាយករដ្ឋមន្រ្តី ក៏បានព្រមានទៅ ព្រះអង្គម្ចាស់ ស៊ីវត្ថិ ធម្មិកោ ថា «បើមិនដឹងច្បាស់ទេ កុំរាយការណ៍ គួរតែសួរ រដ្ឋាភិបាល ឬក្រសួងព្រះបរមរាជវាំងសិន» ។
ឆ្លើយតបនឹងការលើកឡើងរបស់លោកនាយករដ្ឋមន្រ្តី ព្រះអង្គម្ចាស់ ស៊ីសុវត្ថិ ធម្មិកោ មានបន្ទូលតាមរយៈអ្នកសារព័ត៌មានយ៉ាងខ្លីថា ព្រះអង្គទទួលកំហុស ប្រសិនបើព្រះអង្គមានបន្ទូលខុស។
តាមគម្រោង ព្រះបរមសពរបស់ព្រះមហាវីរក្សត្រ នរោត្តម សីហនុ នឹងត្រូវបូជានៅ វាលព្រះមេរុ ជាសាធារណៈ នៅថ្ងៃទី៤ ខែកុម្ភៈ ឆ្នាំ២០១៣ ខាងមុខនេះ៕
ព័ត៌មានបន្ថែម សូមរកអាន VOD
0.000000
0.000000
Posted by មេឃា in កខគឃង , Cambodia Feature Stories .
ប្រធានក្រឡាបញ្ជីសាលាឧទ្ធណ៍ លោក ប៊ុន សាវ៉ាត ប្រាប់ VOD នៅព្រឹកថ្ងៃច័ន្ទ ទី១៧ ខែធ្នូ នេះថា សាលាឧទ្ធរណ៍កំពុងធ្វើការត្រួតពិនិត្យលើបណ្តឹងសារទុក្ខ របស់ លោក ម៉ម សូណង់ដូ រួចនឹងបញ្ជូនទៅកាន់តុលាការកំពូល ឲ្យបានមុនចុងសប្តាហ៍នេះ ៖ “គេកំពុងរៀបចំ គេត្រូវបញ្ជូនឲ្យលឿន ប៉ុន្តែគ្រាន់តែគ្នាធ្វើមិនទាន់ កំពុងរៀបចំ ខ្ញុំកំពុងតាមដានមើលដែរហ្នឹង កំពុងជំរុញឲ្យមន្ត្រីធ្វើឲ្យលឿនឲ្យ ចំាមើលតាមធម្មតាវាត្រូវបញ្ជូនឲ្យបានមុនក្នុងសប្តាហ៍ ហ្នឹង”។
នៅថ្ងៃទី១៤ ខែធ្នូ តុលាការសាលាឧទ្ធរណ៍ បានសម្រេចបដិសេធពាក្យស្នើសុំនៅក្រៅឃុំបណ្ដោះអាសន្នដែលបានស្នើ ដោយមេធាវីរបស់លោក ម៉ម សូណង់ដូ ខណៈពេលដែលលោកមានជំងឺ និងសុខភាពចុះខ្សោយ។
លោក ម៉ម សូណង់ដូ ប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ ត្រូវបានចាប់ខ្លួននៅថ្ងៃទី១៥ ខែកក្កដា ឆ្នាំ២០១២ ហើយសាលាដំបូងបានកាត់ទោសលោកជាប់គុក ២០ឆ្នាំ និងពិន័យប្រាក់ចំនួន ១០លានរៀល ពីបទញុះញង់ឲ្យមានការប្រឆាំងមន្ត្រីរាជការសាធារណៈ និងបទធ្វើអបគមន៍នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។
សម្រាប់ព័ត៌មានលម្អិត សូមរកអាន VOD
0.000000
0.000000
Posted by មេឃា in Cambodia Feature Stories .
លោក កែម ឡី បានបញ្ជាក់ថា នៅក្នុងសង្គមប្រជាធិបតេយ្យ តួនាទីរបស់រដ្ឋាភិបាលមានដែនកំណត់ សង្គមប្រជាធិបតេយ្យ៖ «ដែន កំណត់ហ្នឹងមិនជ្រៀតជ្រែកតុលាការ មិនជ្រៀតជ្រែកកិច្ចការនីតិប្បញ្ញត្តិ ហើយផ្ដល់ឱកាសឲ្យអង្គការសង្គមស៊ីវិលនានាឲ្យធ្វើជាដៃគូរបស់ រដ្ឋាភិបាល» ។
សម្រង់អត្ថបទ វិទ្យុអាស៊ីសេរី ផ្សាយថ្ងៃទី០៤ ខែធ្នូ ឆ្នាំ២០១២
ក្រុមអ្នកឃ្លាំមើលសង្គម បានលើកឡើងថា រដ្ឋាភិបាលកម្ពុជា ត្រូវតែធ្វើសកម្មភាពបំពេញបន្ថែមនូវចំណុចខ្វះខាតរបស់ខ្លួនឲ្យបាន ពេញលេញ ដើម្បីឆ្លើយតបទៅនឹងគោលដៅសំខាន់ៗដែលមានចែងនៅក្នុងច្បាប់កំពូល របស់ប្រទេស។
អ្នកឃ្លាំមើលផ្នែកអភិវឌ្ឍន៍សង្គម លោក កែម ឡី មានប្រសាសន៍ថា រដ្ឋាភិបាលមានតួនាទី និងកាតព្វកិច្ចសំខាន់ៗមួយចំនួន រួមមាន យន្តការគ្រប់គ្រងស្ថាប័នរបស់រដ្ឋតាំងពីថ្នាក់ជាតិ និងថ្នាក់ក្រោមជាតិ ការបង្កើតទំនាក់ទំនងការទូត ការផ្ដល់សេវាសាធារណៈ ការធានានូវសណ្ដាប់ធ្នាប់សង្គម ការធានានូវការអភិវឌ្ឍសេដ្ឋកិច្ច ការធានានូវសិទ្ធិសង្គមកិច្ច ការធានាឲ្យមានការគោរពសិទ្ធិមនុស្ស និងគោលដៅអភិវឌ្ឍន៍សហស្សវត្ស និងផ្សេងៗទៀត។
លោក កែម ឡី បានលើកឡើងទៀតថា រដ្ឋាភិបាលមិនទាន់បំពេញតួនាទី និងកាតព្វកិច្ចល្អនៅក្នុងការដឹកនាំប្រទេសបានល្អនៅឡើយទេ។ នៅមានចំណុចមួយចំនួនទៀតដែលរដ្ឋាភិបាលគួរតែយកចិត្តទុកដាក់ និងបំពេញកាតព្វកិច្ចរបស់ខ្លួន សមទៅនឹងអ្វីដែលមានចែងនៅក្នុងរដ្ឋធម្មនុញ្ញ និងសេចក្ដីប្រកាសរបស់អង្គការសហប្រជាជាតិ ដែលខ្លួនបានទទួលស្គាល់ហើយនោះ។ លោក កែម ឡី បានបញ្ជាក់ថា រដ្ឋាភិបាលធ្វើមិនល្អនោះមានផ្នែកសង្គមកិច្ច និងផ្នែកផ្សេងៗមួយចំនួនទៀត៖ «ផ្នែកសង្គមកិច្ចហ្នឹងដោយសារតែ រដ្ឋាភិបាលមិនទាន់រៀបឲ្យមានសមភាពសេដ្ឋកិច្ច ការទទួលបានឱកាសបានស្មើៗគ្នា ការទទួលគាំទ្រខាងផ្នែកសង្គមកិច្ច យើងឃើញតែយើងធ្វើអត់បាន យើងមានមនុស្សជរាជិត ១លាននាក់ កំពុងប្រឈមនឹងភាពក្រីក្រ ទី២ កុមារគ្មានទីពឹង កុមារអនាថា កុមារក្រីក្រ ក៏កំពុងតែប្រឈមនឹងបញ្ហាលំបាក» ។
អ្នកជំនាញផ្នែកវិទ្យាសាស្ត្រនយោបាយ និងជាអ្នកវិភាគឯករាជ លោកបណ្ឌិត សុខ ទូច បានពន្យល់ថា ប្រទេសកម្ពុជា ជាប្រទេសកំពុងអភិវឌ្ឍន៍ ដូច្នេះរដ្ឋាភិបាលកំពុងតែបំពេញដំណើរនៃកាតព្វកិច្ចរបស់ខ្លួន។ ប៉ុន្តែបញ្ហានៅត្រង់ថា កាតព្វកិច្ចទាំងអស់នោះ រដ្ឋាភិបាលមិនទាន់ធ្វើបានពេញលេញទេនោះ ដូចជា រដ្ឋធម្មនុញ្ញកម្ពុជា ចែងថា ប្រជាពលរដ្ឋទាំងអស់មានសិទ្ធិស្មើគ្នានៅចំពោះមុខច្បាប់ ផ្ទុយទៅវិញ ការអនុវត្តច្បាប់នៅពេលបច្ចុប្បន្នមិនទាន់ស្របទៅនឹងអ្វីដែលមាន ចែងនៅក្នុងរដ្ឋធម្មនុញ្ញនោះទេ៖ «ខ្លះទៅអនុវត្តច្បាប់លឿនទៅ ខ្លះទៀតអនុវត្តច្បាប់យឺត។ មកទល់ពេលនេះមិនទាន់អនុវត្តច្បាប់តុលាការនៅតាមរកនីតិវិធីបំពេញ បន្ថែមទៅ អីចឹងទេ មិនទាន់ដំណើរការបានស្មើៗគ្នាទៅតាមដែលថាប្រជាពលរដ្ឋមានសិទ្ធិ ស្មើគ្នាចំពោះមុខច្បាប់ សង្គមមួយទទួលបានភាពយុត្តិធម៌ គឺមនុស្សទាំងអស់ទទួលបានយុត្តិធម៌ស្មើៗគ្នា គ្មានទាបគ្មានខ្ពស់ គេហៅថា នីតិរដ្ឋនោះ កម្ពុជា មិនទាន់មានទេ» ។
គម្រោងយុត្តិធម៌ពិភពលោក (WJP) បានសរសេរលំអិតនៅក្នុងរបាយការណ៍ប្រចាំឆ្នាំ២០១២ របស់ខ្លួនថា កម្ពុជា ធ្លាក់ចុះនូវការគោរពច្បាប់ និងការបោះជំហានឆ្ពោះទៅរកនីតិរដ្ឋ។ ក្នុងរបាយការណ៍សរសេរថា ប្រទេសកម្ពុជា មានពិន្ទុទាបបំផុតក្នុងតំបន់អាស៊ីបូព៌ា និងប៉ាស៊ីហ្វិក ពីព្រោះថា ការអនុវត្តច្បាប់ និងយុត្តិធម៌ស៊ីវិល នៅទូទាំងពិភពលោក កម្ពុជា ជាប់ចំណាត់ថ្នាក់លេខ ៩៤ ក្នុងចំណោមប្រទេសចំនួន៩៧។
អ្នកវិភាគបានពន្យល់ថា រដ្ឋាភិបាលត្រូវធានាឲ្យពលរដ្ឋរបស់ខ្លួនមានសិទ្ធិរស់រានមានជីវិត សមរម្យ និងមានទីជម្រកសមរម្យជាដើម។ ផ្ទុយទៅវិញ ការអភិវឌ្ឍរបស់រដ្ឋាភិបាលនៅតំបន់មួយចំនួននោះ មិនមែនជាសកម្មភាពធានាឲ្យប្រជាពលរដ្ឋមានទីជម្រករស់នៅសមរម្យដូច ដែលមានចែងនៅក្នុងច្បាប់នោះទេ។ ឧទាហរណ៍ ករណីអភិវឌ្ឍនៅតំបន់បឹងកក់ និងបុរីកីឡា ជាដើម។
មន្ត្រីនាំពាក្យនៃទីស្ដីការគណៈរដ្ឋមន្ត្រី លោក ផៃ ស៊ីផាន បានបកស្រាយថា រដ្ឋាភិបាលកំពុងតែយកចិត្តទុកដាក់ និងបំពេញកាតព្វកិច្ចរបស់ខ្លួនទៅតាមជំហានដែលខ្លួនអាចធ្វើទៅបាន។ លោក ផៃ ស៊ីផាន អះអាងថា ប្រទេសជឿនលឿនមួយចំនួនក៏មិនអាចបំពេញកាតព្វកិច្ចក្នុងពេលតែមួយ បានល្អទាំងស្រុងនោះដែរ គេធ្វើទៅតាមដំណាក់កាលៗ៖ «ដូច្នេះ អ្វីៗមានតម្លៃរបស់វា អ្វីដែលយើងកំពុងតែដើរ យើងថែរក្សាឲ្យមានសន្តិភាព ស្ថិរភាពនៅក្នុងសង្គម ទី២ រក្សានូវការអភិវឌ្ឍ វឌ្ឍនភាពនៃសេដ្ឋកិច្ច ការរីកចម្រើននៃសេដ្ឋកិច្ច (Economic Growth)» ។
ក្រុមអ្នកច្បាប់បានបំភ្លឺថា កាតព្វកិច្ចរបស់រដ្ឋាភិបាលមានចែងច្បាស់លាស់នៅក្នុងរដ្ឋធម្មនុញ្ញ ដែលជាច្បាប់កំពូលដែលកំណត់តួនាទីរបស់រដ្ឋាភិបាល ហើយរដ្ឋាភិបាលតំណាងឲ្យអំណាចនីតិប្រតិបត្តិ ពោលគឺមានតួនាទីអនុវត្តច្បាប់ ជាស្ថាប័នមានតួនាទីអនុវត្តច្បាប់ ធ្វើយ៉ាងណាឲ្យរដ្ឋធម្មនុញ្ញការពាររដ្ឋធម្មនុញ្ញ មានន័យថា រាល់កាតព្វកិច្ចដែលរដ្ឋធម្មនុញ្ញចែង រដ្ឋាភិបាលត្រូវបំពេញតួនាទីនោះ ពិសេសត្រូវការពារសិទ្ធិ និងសេរីភាពរបស់ប្រជាពលរដ្ឋ។
ប្រធានក្រុមអ្នកច្បាប់ការពារសិទ្ធិកម្ពុជា លោកបណ្ឌិត សុខ សំអឿន បានលើកហេតុផលថា អ្វីដែលមានចែងនៅក្នុងរដ្ឋធម្មនុញ្ញ រដ្ឋាភិបាលត្រូវតែអនុវត្តនូវកាតព្វកិច្ចរបស់ខ្លួន ដូចជាសិទ្ធិ និងសេរីភាពប្រជាពលរដ្ឋជាដើម៖ «តាំងពីឆ្នាំ១៩៩៣ មក ពេលនេះជិត ២០ឆ្នាំហើយ រដ្ឋាភិបាលខំធ្វើច្បាប់ច្រើន តែមិនបានគោរពច្បាប់ឲ្យបានគ្រប់សព្វទៅតាមរដ្ឋធម្មនុញ្ញនោះទេ» ។
លោកបណ្ឌិត សុខ សំអឿន បានលើកឡើងថា ការធ្វើសមាជជាតិមានសារសំខាន់ណាស់សម្រាប់ឲ្យប្រជាពលរដ្ឋពាំនាំនូវ អ្វីដែលជាក្ដីកង្វល់ និងបញ្ហាប្រឈមនានារបស់ពួកគេលើកទៅរដ្ឋាភិបាល ដើម្បីឲ្យជួយដោះស្រាយ ដូចដែលនៅក្នុងរបបសង្គមរាស្ត្រនិយម ដែលអតីតព្រះមហាក្សត្រ ព្រះករុណា សម្ដេចព្រះ នរោត្តម សីហនុ ធ្លាប់បានធ្វើនៅក្នុងពេលព្រះអង្គបានគ្រប់គ្រងប្រទេសនោះ។
មន្ត្រីនាំពាក្យនៃទីស្ដីការគណៈរដ្ឋមន្ត្រី លោក ផៃ ស៊ីផាន បានបំភ្លឺថា នៅក្នុងសម័យសង្គមរាស្ត្រនិយម គេធ្វើសមាជជាតិនោះដោយសារនៅក្នុងរបបនោះជារបបឯកបក្ស ប៉ុន្តែសព្វថ្ងៃ កម្ពុជា ជារបបប្រជាធិបតេយ្យ សេរីពហុបក្ស ដូច្នេះគណបក្សនយោបាយនីមួយៗបានធ្វើសមាជរបស់ខ្លួន ដើម្បីលើកពីបញ្ហានោះទៅរដ្ឋាភិបាលហើយ។
0.000000
0.000000
Posted by មេឃា in កខគឃង , Cambodia Feature Stories .
VIDEO
Note from Youtube : A movie was made to stretch a creative and technical abilities – It has grown tired of the standard timelapse and wanted to push the genre in a more exciting direction.
Shot on a 7d (CANON)
~~~~~~
Please educate yourself about the horrible atrocities that are happening in Cambodia right now with child sex-trafficking and what can be done to bring an end to it http://agapewebsite.org/aims-story/
0.000000
0.000000