jump to navigation

វិទ្យុ​ ABC កម្ពុជា 107.50 FM ល្បីសម្បើម​ ខែ​ឧសភា 17, 2013

Posted by មេឃា in កខគឃង.
trackback

ABC 107.50 FM

វិទ្យុ​ អេ ប៊ី ស៊ី កម្ពុជា ១០៧.៥០ អែហ្វអឹម កំពុងតែ ចាប់ផ្តើម​ល្បី​អស្ចារ្យ​សម្បើម​ហើយ។ កន្លងមក​ អ្នក​ស្តាប់​​វិទ្យុ ​ដែល​ចង់ដឹង​ ឮ​រឿង​គ្រោះថ្នាក់​ចរាចរណ៍​ អសន្តិសុខ​សង្គម តែង​តែ ស្តាប់​វិទ្យុ​ មួយនេះ។ អ្នក​ដែល​ស្តាប់ រាប់​ទាំង ជនរងគ្រោះ ជនល្មើស ចោរ និង​ប៉ូលីស។ ភាគច្រើន មាន​ជន​រងគ្រោះ ឬសាក្សី​ ដែល​បាន​ឃើញ​ហេតុការណ៍​ផ្ទាល់បាន ខល​ចូល​ក្នុង​​កម្មវិធី ដើម្បី រៀប​រាប់​ ពីព្រឹត្តិការណ៍ ឬអន្តរាគមន៍ ជួនកាល ក៏​មាន​ចោរ​ ឬ​ប៉ូលីសចរាចរណ៍​ ខល​ចូល​ដើម្បី ការពារការចោទប្រកាន់ ឬ​បង្វែង​ដានផ្លូវ​គេចខ្លួន​ដូច​គ្នា​។ ​អ្នក​ជិតខាងខ្ញុំ​លាន់ម៉ាត់ថា «​ការប្រកាស​​ជា​សាធារណៈ​ពី ទិសដៅ​​របស់​ ជនល្មើស គេច​ទៅ ណា តាម​វិទ្យុ​​ហ្នឹង​ ​គឺ​ជួយ​ ជនល្មើស​​វិញ​ទេ ព្រោះ ជន​ល្មើស​ ក៏ស្តាប់​វិទ្យុ​នេះ​ដែរ ម៉្យាង​កន្លងមក មិនដែល​ឃើញ​ចាប់​​បាន​​ជន​បង្ក​ហេតុសោះ ពិសេស​ករណី គ្រោះថ្នាក់ចរាចរណ៍​យប់ៗ»។

A-15-year-old-girl-Became-prisoners-Because-the-report-is-not-true-to-the-ABC-Radio_cen

ថ្មីៗនេះ វិទ្យុ​ អេប៊ីស៊ី កម្ពុជា បានជម្រុញ​ចិត្ត​អោយ​ ក្មេង​​ស្រីម្នាក់ អាយុ ១៥ឆ្នាំ រស់នៅ​ខេត្ត​ព្រះសីហនុ​ កំពុង​រៀនត្រឹម​ថ្នាក់ទី៧ បាន​ក្លាយ​ជា ​ មេបង្ក​ហេតុ ​ដែ​ល សមត្ថកិច្ច​យល់​ថា ​នាំ អោយ​​ប៉ះពាល់​យ៉ាង​ធ្ងន់​ធ្ងរ​ ដល់ ​សន្តិសុខជាតិ ក្រោយ​ពី ក្មេង​ស្រី​រូបនេះ ​បាន​ បង្ហើប​​ព័ត៌មាន ថា រូបនាង​ត្រូវបាន​គេ ចាប់ជំរិត។ ​ ព័ត៌មាន អំពី ការចាប់ជំរិត ដែល​សាម៊ី​ខ្លួន ​បាន​រាយការណ៍ ដោយផ្ទាល់​ប្រាប់​វិទ្យុ អេប៊ីស៊ី កម្ពុជា តាំងពីល្ងាច​ថ្ងៃ​​ទី​១២ ខែឧសភា ​ត្រូវបាន​ អ្នកផ្សាយ​កម្មវិធី វិទ្យុ បន្ទម៉ាទំហឹង ហើយ​ផ្សព្វ​ផ្សាយ​បន្ត​​ពេញ​ទូទាំង​ប្រទេស សូម្បី​តែ​ ​ចោរ ឬ​ប៉ូលីស ក៏បាន​ដឹង។ មួយថ្ងៃក្រោយ​មក សមត្ថកិច្ច​​ បាន​ឈាន​​ដល់​ការ​​ស្រាវជ្រាវ​វែក​​មុខ ស្វែងរក​ឃើញ​ជន​រង​គ្រោះ ​តែជា លទ្ធផល ក្មេងស្រី ដែល​​បក​ស្រាយ​ថា គ្រាន់តែ យាយលេង​ជាមួយ​មិត្ត​ភក្តិ សោះ ត្រូវ​ជាប់​ឃុំ​ខ្លួន នៅពន្ធនាគារ​ ហើយ​ប្រឈម​នឹង ការចោទប្រកាន់ពី បទ «រាយ​ការណ៍​​ព័ត៌មាន​មិនពិត និង​ធ្វើ​អោយ​​មាន​​ការ​​ប៉ះពាល់​​ដល់​​សន្តិសុខ​​សង្គម​​យ៉ាង​​ធ្ងន់ធ្ងរ»។

សម្រាប់​អ្នក​ច្បាប់ យល់ថា អាយុ និងចេតនា​​ របស់​ កុមារី​វ័យ ត្រឹម ១៥ឆ្នាំនេះ មិនធន់​​ល្មម​នឹងចោទ​ពី បទ​=ឧក្រិដ្ឋ​ធ្ងន់ធ្ងរ​បែបនេះ ឡើយ​ តែ​មជ្ឈដ្ឋាន សាធារណៈ បែរជា យល់​ថា កុមារី រូបនេះ សមមុខហើយ ដែល​លេង​មិនចេះគិត ! ទោះបីជា​យ៉ាងណា មជ្ឈមណ្ឌល​សិទ្ធិមនុស្សកម្ពុជា កំពុង​ផ្តល់​មេធាវី ជំនួយផ្នែកច្បាប់​ដើម្បី​ធានា​ កុមារី​នេះ អោយ​នៅ​​ក្រៅឃុំ ខណៈ​ដែល​នាង ត្រូវ​ជាប់​ឃុំ​អស់ជាង ៤ថ្ងៃមកហើយ បើគិតចាប់ពីថ្ងៃឃុំខ្លួន កាលពីថ្ងៃទី១៣ ខែឧសភា ឆ្នាំ២០១៣។

អ្នកវិភាគ​សង្គមជឿជាក់ថា ការដាក់ទោសកុមារី​នេះ គ្រាន់ជាការ រក្សា​ និង​ស្តារ​មុខ​ម៉ាត់​របស់​ស្ថាប័ន​មានសមត្ថកិច្ច ហើយ​ក៏​ជាការ​ព្រមាន​ដល់​​អ្នក​បោះឆ្នោត​ដទៃទៀត អោយ​មើល​មុខ​ក្រោយ​​មុននឹង​សម្រេច​បោះឆ្នោត​​គាំទ្រ​គណបក្សណាមួយ។ អ្នកបោះឆ្នោត​មិនត្រូវ​ភ្លេចឡើយថា នៅ​មាន​អំពើ​ ឃោរឃៅ លើសនេះ​ទៀត​ ​ដែល​បង្កឡើង​ដោយ​មនុស្ស​មាន​អំណាច​ តែ​មិនត្រូវបាន​ តុលាការ សម្រេច​កាត់ទោស ឬ​ឃាត់ខ្លួន​ឡើយ៕

ព័ត៌មាន​ទាក់ទង ៖

Advertisements

មតិ»

1. Da Fest - ខែកក្កដា 9, 2013

ចុចលើជួរអក្សរខាងក្រោម ឬកូពីយកទៅដាក់ក្នុង Internet browserស្តាប់ការបកស្រាយរបស់ បណ្ឌិត សូ ណារ៉ូ អតីតជំនួយការផ្ទល់របស់សម្តេច ហ៊ុន សែន

2. Da Fest - ខែកក្កដា 9, 2013

ចុចលើរូបភាព ស្តាប់បណ្ឌិត សូ ណារ៉ូ អតីត ជំនួយការផ្ទាល់របស់លោក ហ៊ុន សែន និយាយអំពីជីវិតមន្ត្រីរាជការ


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: