jump to navigation

ចៅក្រម​​​សាលា​​ដំបូង​​ខេត្ត​ក​ណ្តាល​​ម្នាក់​​ត្រូវ​​​បាន​​បញ្ជូន​​ទៅ​​ពន្ធនាគារ​​ព្រៃ.ស អ្នក​​ផ្សេង​ទៀត​​​រួច​ខ្លួន​ ខែមករា 23, 2012

Posted by មេឃា in កខគឃង.
add a comment

ប្រភពដើម ៖ គេហទំព័រ​កោះសន្តិភាព

ដោយ ៖ ធីតាកោះ

ថ្ងៃចន្ទ ទី២៣ ខែមករា ឆ្នាំ២០១២ ម៉ោង ០៩:០២

ខេត្តកណ្តាល​ ៖ បន្ទាប់​​ពី​​សាក​សួរ​​​អស់​​​រយៈ​​ពេល​​​ច្រើន​​ម៉ោង​​រួច​​មក​  ព្រះ​រាជ​​អាជ្ញា​រង​​​លោក​ ​​វង្ស ប៊ុន​វិសុទ្ធ ​បាន​បង្គាប់​​ឱ្យ​​សមត្ថ​កិច្ច​​នាំ​​យក​​លោក ​ហួត ហ៊ាង ​ចៅក្រម​​​ស៊ើប​សួរ​ ​ដែល​​​​ជាប់​​ចោទ​​ពុក​រលួយ​​ដីធ្លី​​​ ទៅ​​ឃុំ​​បណ្តោះ​អាសន្ន​​ នៅ​​ពន្ធនាគារ​​​ព្រៃ.ស ​កាលពី​វេលា​​​ម៉ោង​​៦​ល្ងាច​ ​ថ្ងៃ​ទី​២២​ មករា​ ​២០១២​។ ​ចំណែក​​លោក​ស្រី ខូវ ​ចាន់​ផូរ ចៅក្រម​​ស៊ើប​សួ​រ​​នៃ​​សាលា​​ដំបូង​​ខេត្ត​កណ្តាល ដែល​​​ត្រូវ​ឃាត់​ខ្លួន​​ដែរ​​នោះ ក្លាយ​ជា​​​សាក្សី​​ទៅវិញ​ ហើយ​​មិន​​ត្រូវ​បាន​​ឃុំ​ខ្លួន​​ទេ… ​ចំណែក​​លោក​ ​យឹម វួច ​មន្ត្រី​​សុរិយោ​ដី​​ក្លាយ​​ជា​​ជន​​រងគ្រោះ និង​​ជា​​ដើម​បណ្តឹង​ ហើយ​​មិន​​ត្រូវ​បាន​​ឃុំ​ខ្លួន​​ទេ ។

គួរ​រំលឹក​ថា ចៅក្រម​​២នាក់​​នៃ​សាលា​​ដំបូង​​ខេត្ត​​កណ្ដាល​ និង​មន្រ្ដី​​សុរិយោដី​១នាក់ ​ត្រូវ​បាន​​ចាប់​ខ្លួន​​ដោយ​អង្គភាព​​ប្រឆាំង​​អំពើ​​ ពុករលួយ​​ដឹក​នាំ​​ដោយ​លោក​ ​ឱម​ យ៉ិនទៀង​ ប្រធាន​​​អង្គភាព​​ប្រឆាំង​​​អំពើ​​ពុក​រលួយ​​ដែល​មាន​កង​​កម្លាំង​​​របស់​​លោក​ ​ហែហមច្រើន​នាក់​ប្រដាប់​ដោយ​​អាវុធ​​ហំហាន​​មើល​ទៅ​​គួរ​ឱ្យ​​ញាក់​សាច់​​កាល​​ពី​ វេលា​ម៉ោង​​៦និង១៥​ល្ងាច ​ថ្ងៃទី២០ មករា ២០១២ នៅក្នុង​​បន្ទប់​​ការិយា​ល័យ​​នៃ​សាលា​ដំបូង​​តែម្ដង ពោលគឺ​វេច​ខ្ចប់​​មួយ​ស្អាត។​

អ្នកដែល​​ត្រូវ​ចាប់​​ខ្លួន​​រួមមាន ១-លោក​ ហួត ​ហ៊ាង​ ចៅក្រម​ស៊ើបសួរ​​នៃ​សាលា​ដំបូង​​ខេត្ត​កណ្ដាល, ២-លោកស្រី​ ខូវ ចាន់ផូរ ចៅក្រម​​ស៊ើប​សួរ​​នៃសាលា​ដំបូង​​ខេត្តកណ្ដាល និង៣-លោក ​យឹម​ វួច​ ជា​មន្រ្ដី​សុរិយោដី​​ខេត្ត​កណ្ដាល។​ អ្នក​ទាំង៣​ ត្រូវបាន​​ប្រភព​​ព័ត៌មាន​​អះអាង​​ថា ជាប់​ពាក់ព័ន្ធ​​ក្នុង​រឿង​​ពុក​រលួយ​​ស៊ីសំណូក​​កេង​​បន្លំ​ដីធ្លី​​ របស់​មន្រ្ដីម្នាក់… ​នៅស្រុក​កៀនស្វាយ ខេត្ត​កណ្ដាល គឺធ្វើរឿង​ពី​ខុស​​ទៅត្រូវ​​​ពី​ស​​ទៅ​ខ្មៅ។

ពេលចាប់​ខ្លួននេះ គឺអស់លោក​​ទាំង​៣ ​ស្ថិត​ក្នុង​បន្ទប់​​តុលាការ​​តែម្ដង​ ហាក់ដូច​ជា​ កំពុង​ជួប​គ្នា​​​ពិភាក្សា​​រឿង​អ្វី​មួយ​ ទើប​គ្មាន​​អ្នកណា​​មួយ​​រត់​រួច​​សោះ…​ តាម​មន្រ្ដី​​ដែល​ឃើញ​​ហេតុកាណ៍​​បាន​​ឱ្យ​ដឹងថា កម្លាំង​ដែល​​ចុះ​ទៅ​ចាប់​នោះ​​​គឺ​មិនមាន​​សហការ​​ជាមួយ​​សមត្ថកិច្ច​​ណា​នោះ​ទេ​ ដូចជា​​​ប៉ូលិស​ ប៉េអឹម​ និង​មន្រ្ដី​អាជ្ញាធរ​​ដែនដី​​ជាដើម៕

ស្តាប់​ចម្រៀង​ ឡូយ​៩ ខែមករា 23, 2012

Posted by មេឃា in កខគឃង, កំសាន្ត/Entertainment.
add a comment

​ជិត​បោះឆ្នោត​សកល​ អសន្តិសុខ​កើន​ឡើង ? ខែមករា 21, 2012

Posted by មេឃា in កខគឃង.
add a comment

​ថ្មីៗ​នេះ​​ ​នៅ​ក្បែរ​ត្រចៀក​ខ្ញុំ ឭ​​សូរ​​តែព័ត៌មាន​​បាញ់​​បោះ​​ ឃាតកម្ម ប្លន់ប្រដាប់អាវុធ… អ្នក​ខ្លះ​​និយាយថា​ មកពី​ជិតបោះឆ្នោត​សកល គឺ អីចឹងហើយ… ​ មន្រ្តីក្រសួងមហាផ្ទៃម្នាក់​បាន​ប្រាប់​ខ្ញុំថា បើ​មិន​ចាំបាច់​មិន​បាច់​ដើរលេងយប់ទេ… មិត្តភក្តិ​ជា​ជើង​កាង​ ក៏ព្រមាន​ខ្ញុំ​ដូចគ្នា…ដើរ​លេង​យប់​សុទ្ធតែមិន​សូវល្អ !???

ហេតុផល​ដែលប្រមូលបាន ៖

»​មុខ​សញ្ញាចាស់​ច្រើន ដែល​សុទ្ធជា​អ្នក​ទោស​​រាប់​​រយ​នាក់​ត្រូវ​បាន​​ដោះ​លែង​ ដោយ​សារ​ព្រះមហាក្សត្រ​លើក​លែង​ទោស ចង់​ស្រង់ដើម ពេលយប់

»ជិតបោះឆ្នោត​មន្ត្រីមានបក្ស​ត្រូវ​ចេញរកលុយ​ ពេល​យប់ជា​ម៉ោងក្រៅការងារ

»ជនឆ្លៀតឱកាស​រក​ចំណេញ​លើ​ស្ថានភាព​ច្របូកច្របល់ ពេលយប់ជាពេលវេលា​ដ៏ល្អ

»កងកម្លាំងប្រដាប់អាវុធ គិតតែពង្រឹងបក្ស បែរប្រហែសពី​សន្តិសុខពេលយប់

ដូច្នេះ បើមិនចាំបាច់​… កុំដើរលេងយប់ជ្រៅពេក !

»

គ.ជ.ប លម្អៀង​​សូម្បី​តែ​​ឈ្មោះ​​អ្នក​បោះ​ឆ្នោត​ ខែមករា 17, 2012

Posted by មេឃា in កខគឃង, នាយករដ្ឋមន្ត្រី.
6 comments

​កម្មវិធីស្វែង​រក​ឈ្មោះ​អ្នក​បោះឆ្នោត​ http://voterlist.org.kh/ របស់​ គណៈកម្មាធិការជាតិ​រៀប​ចំការបោះឆ្នោត​ (គ.ជ.ប) បាន​បង្ហាញ​ភាព​លម្អៀង​​ទៅ​រក​លោក​នាយក​រដ្ឋមន្រ្តី​ ហ៊ុន សែន ​មកពីគណបក្ស​ប្រជាជនកម្ពុជា ដែល​កំពុង​កាន់​អំណាច​ ដោយ​ចេតនា​​​បន្ថែម​ភាពគោរព និង​កោតខ្លាច​ តាមរយៈ​ ឧត្តមនាម «សម្តេច» ទៅ​លើ​នាម និងគោត្តនាម ហ៊ុន សែន

ការ​បន្ថែមឧត្តមនាម​​​បែប​នេះ ត្រូវបាន​​អ្នក​ចូលចិត្ត​​វិភាគ​​យល់​ថា ៖

១»ដើម្បីកុំ​ឱ្យ​ព្រលំ​នឹង​អ្នក​បោះឆ្នោត​ទូទៅ​

២»​ទំលាប់​ឱនលំទោន​របស់​អ្នក​រាជការ​សាធារណៈ​ចំពោះ​ថ្នាក់​ដឹកនាំ

៣»​ភាព​លម្អៀង​ទៅ​រក​​អ្នក​កាន់អំណាច

អ្នក បោះឆ្នោត តែ មួយ គត់ ដែល មាន ឧត្តមនាម សម្តេច (ស្វែងរក http://voterlist.org.kh/)

សូមបញ្ជាក់ថា លោក​អ្នក​មិនអាច​រក​ឃើញ​ ឧត្តមនាម «សម្តេច​» បែបនេះ​ លើ​​​អ្នក​បោះឆ្នោត​ឈ្មោះ ជា ស៊ីម និង​ហេង​ សំរិន ដែល​មាន​ងារ​ជា​សម្តេចទាំងបី (គណបក្សប្រជាជនកម្ពុជា)​ នោះទេ។

​ថើប​ ខែមករា 16, 2012

Posted by មេឃា in កំសាន្ត/Entertainment.
6 comments

ការ​ថើប​មាន​ន័យ​យ៉ាងណា ?

ថើប​ថ្ងាស ៖ យើង​ស្រស់​ស្អាត​ទាំងអស់គ្នា

ថើប​ផ្ពាល់ ៖ យើងជា​មិត្ត​នឹង​គ្នា

ថើបដៃ ៖ ខ្ញុំ​គោរពអ្នក

ថើប​ក ៖ ខ្ញុំ​ចង់បាន​អ្នក​ ឥឡូវនេះ​

ថើប​ស្មា ៖ អ្នក​ជាមនុស្សឥតខ្ចោះ

ថើប​បបូរមាត់ ៖ ខ្ញុំស្រឡាញ់អ្នក

ស្រី​​ស្រលាញ់​​ស្រី ជា​​ស្នេហ៍​​មិន​​ឋិតថេរ​ ខែមករា 16, 2012

Posted by មេឃា in អំពីការស្រឡាញ់ភេទដូចគ្នា.
41 comments

ដោយ : រចនី (ថ្ងៃទី 15 មករា 2012,03:16:PM)

ប្រភព ៖ CAMBODIAN EXPRESS NEWS

ភ្នំពេញ : ច្បាប់​​ធម្មជាតិ បាន​​តាក់តែង​​ឲ្យ​​ប្រុស​​គូ​​នឹង​​ស្រី​។ ប៉ុន្តែ​​ក្នុង​​សង្គ​ម​​យើង​​សព្វថ្ងៃ​នេះ មាន​​ស្ន​ហា​​ខុស​ប្រក្រតី​។ នោះ​​គឺ​​ប្រុស​​ស្រលាញ់​​ប្រុស ហើយក៏​​មាន​​ស្រី​​ស្រលាញ់​​ស្រី​។ ស្នេហា​​បែប​នេះ ត្រូវ​​ប្រឈម​​នឹង​​សង្គម ជា​ពិសេស​​តែងតែ​​ទទួល​ការ​ប្រឆាំង​​បដិសេធ​​ពី​​ឪពុកម្តាយ និង​​សាច់ញាតិ​។ ស្នេហា​​នេះ ជា​​ប្រភេទ​​ស្នេហា​ភ្លើង​ចំបើង​។ តាម​​ការ​អង្កេត​​ស្នេហា​​ប្រភេទ​​នេះ តែងតែ​​ទទួល​​បាន​​បរាជ័យ ឬ​​បែកបាក់​​គ្នា នៅ​ពេល​​ភ្លើង​​ស្នេហ៍​​នោះ ឆេះ​​អស់ ក្នុង​​ពេល​​ដ៏​​ខ្លី​មួយ​។

​រាង​​រាវ​​តូច​ច្រឡឹង ភក្ត្រា​ស្រទន់ សម្បុរ​ខ្មៅ​​ស្រអែម​​ស្រស់ ថា ណា​រ៉េ​ន ជា​ក្មេងស្រី​​ម្នាក់ មកពី​​ទី​ជនបទ​។ យុវតី​រូបនេះ ទើបតែ​​មាន​​អាយុ ១៦ ឆ្នាំ​​ប៉ុណ្ណោះ តែ​នាង​​ត្រូវ​បាន​​បុរស​ម្នាក់​​ធ្វើ​ឲ្យ​​ខូចចិត្ត​​ទៅហើយ​។  បន្ទាប់​ពី​​បែកបាក់​ស្នេហា​​ទីមួយ​​នេះ ធ្វើ​អោយ ណា​រ៉េ​ន មើល​​សង្គម​​សេ្ន​ហា​​ក្នុង​ផ្លូវ​ផ្សេង​។ នាង​​អស់​​ជំនឿ​​នឹង​​ស្នេហា​​លើ​​ប្រុសៗ​ទៀត​ហើយ​។

​ដោយ​​ភាព​ឈឺចាប់ ណា​រ៉េ​ន តាំងចិត្ត​​ឈប់​​ស្រលាញ់​​បុរស ហើយ​​ស៊ូ​រស់នៅ​​ឯកា​​អស់​​មួយ​​ជីវិត​។ ប៉ុន្តែ​​មិន​​ដូច្នេះ​ឯណា ​ខណៈ​​ដែល ណា​រ៉េ​ន ឈឺចាប់ បែរ​ជា​​មាន​​វត្តមាន​​ស្ត្រី​ម្នាក់ ចូល​​មក​​ស្អំ​​បេះដូង​​របស់​នាង​។ ស្ត្រី​ម្នាក់​​នោះ យល់​​ពី​​អារម្មណ៍​នាង និង​​ជួយ​​ដោះស្រាយ​​រាល់​បញ្ហា ដែល ណា​រ៉េ​ន មាន​​គ្រប់យ៉ាង​។​

​ទទួលយក​​ស្នេហា​​ថ្មី​រវាង​​ភេទ​ដូចគ្នា ធ្វើឲ្យ​​ណា​រ៉េន កើត​មាន​​អារម្មណ៍​​ថ្មី​​មួយទៀត​។ គឺ​អស់ចិត្ត​​ពី​​បុរស ហើយ​លែង​​នឹកនា​​អស់​តែម្តង បើទោះជា​​ពេលខ្លះ មាន​​បុរសៗ មក​​ទាក់ទង ឬ​​សុំ​ស្រឡាញ់​​ណា​រ៉េ​​ន​​យ៉ាងណាក្តី​។

​ពី​មួយថ្ងៃ​ទៅ​មួយថ្ងៃ ទង្វើ​​របស់​ស្ត្រី​ម្នាក់ ដែល​​ណា​រ៉េ​ន​​ហៅថា បងស្រីៗ​នោះ  បាន​ធ្វើអោយ​​នាង​​មាន​​អារម្មណ៍​ចម្លែក​។

​ ណា​រ៉េ​ន បាន​​លើកឡើង​​ថា “​រាល់ពេល​​ដែល​​ខ្ញុំ នៅ​ក្បែរ​​បង​ស្រី ( ស្ត្រី​ដែល​​ណា​រ៉េ​ន​​ស្រលាញ់ ) ខ្ញុំ​ហាក់​​មាន​អារម្មណ៍​​កក់ក្តៅ ហើយ​រ​លុប​​អស់​​នូវ​​ភាព​សោកសៅ និង​ភាព​​ឯកា ដែល​​ខ្ញុំ​​ធ្លាប់​​ជួប​​កន្លង​”​។

​ ម្តង​នេះ នារី​ដ៏​​ស្រស់​​សោភា ដែល​នៅ​​ពេល​ដើរ​​ទៅ​ណា មក​ណា ធ្វើ​ឲ្យ​​ប្រុសៗ ចោល​ភ្នែក​​មើល​​មិន​​ដាក់​នោះ មាន​​អ្នក​ស្អំ​ថែ​​បេះដូង​ហើយ​។ ណា​រ៉េ​ន ក៏​លែង​​ត្រូវការ​​បុរសៗ​ទៀត​ដែរ​។ ណា​រ៉េ​ន​​ស្គាល់​ច្បាស់​​ពី​​អារម្មណ៍​ខ្លួន​ឯង​​ថា នាង​​ស្រលាញ់​​ស្រី​​ដូច​គ្នា​។​

​ដោយសារ​តែ​ភាព​ឈឺចាប់ ​ឬ ដែល​ធ្វើអោយ​​ក្តី​ស្រលាញ់​​របស់​​ណា​រ៉េ​ន ប្រែប្រួល​​ដូចនេះ​? ចម្លើយ​​របស់ ណា​រ៉េ​ន គឺ​ទេ​! ព្រោះថា​​អារម្មណ៍​​ស្រឡាញ់​ស្រី​​ដូចគ្នានេះ គឺ​​មាន​​លាក់​ក្នុង​​ក្រអៅបេះដូង​​នាង​ជា​​យូរ​មក ហើយ​​គ្រាន់តែ​​មិន​មាន​​ឱកាស​​បង្ហាញ នឹង​​គ្មាន​​អ្នក​យល់​ជម្រៅ​​ពិតប្រាកដ​។ តែ​ពេល​នេះ មាន​ហើយ គឺ​ស្ត្រី​ម្នាក់ ដែល​កំពុង​រស់នៅ​ក្នុង​បន្ទប់​ជួល ជា​មួយ​ណា​រ៉េ​ន​។​

​ណា​រ៉េ​ន ទទួលស្គាល់ថា ស្នេហា​ភេទ​ដូចគ្នា មិន​មាន​ជីវិត​យូរអង្វែង​បានឡើយ ត្រឹមតែ ៣ ទៅ ៤ ខែ​ប៉ុណ្ណោះ ភាព​ផ្អែមល្ហែម ក៏​រលាយបាត់ ភាព​សោកសៅ​វិល​មក​ជា​ថ្មី​។ តែ​ណា​រ៉េ​ន មិន​មាន​បំណង​យក​បុរស​វិញ​ទេ ព្រោះ​អារម្មណ៍​នាង​ប្រាប់ថា ត្រូវការ​តែ​ស្រីៗ ហើយ​ស្នេហា​ស្រី​នឹង​ស្រី​ម្នាក់​ទៀត ក៏​បាន​កើតឡើង​ជា​មួយ​ជីវិត​របស់​ណា​រ៉េ​ន​ថ្មី​ម្តងទៀត​។​

​ម្តងនេះ នារី​ដែល​មាន​ចរិត​ទន់ភ្លន់ សុភាពរាបសារ បាន​ដើរតួ​ជា​បុរស និង​ស្លៀកពាក់​ស្រដៀង​នឹង​បុរស​។ ណា​រ៉េ​ន ដើរតួ​យ៉ាង​ហំ​ហាន ដើម្បី​បំពេញ​ភារៈ​ក្នុង​ការការពារ​មនុស្ស​ស្រី ដែល​ខ្លួន​ស្រលាញ់ មិនអោយ​មានការ​ញ៉ែញ៉ង ដឿ​ដង​ពាក្យ​សំដី​ពី​បុរសៗ​ឡើយ​។​

​បើទោះជា​ ការស្រឡាញ់​ឋិត​លើ​ការព្រមព្រៀង​ពី​បុគ្គល​ទាំងពី​នេះ​ក៏ដោយ​ចុះ តែ​ក្រុមគ្រួសារ និង​សង្គម​​ហាក់​នៅ​មិនទាន់​បាន​ទទួលស្គាល់​សេចក្តីស្រឡាញ់​រវាង​ស្រី​នឹង​ ស្រី​នេះ នៅឡើយ​ទេ​។   ដូច្នេះ​មានតែ​ការលាក់លៀម កំបាំង បំភាន់​ភ្នែក​អ្នកដទៃ ដើម្បី​ធ្វើការ​ណាត់​ជួប​គ្នា​ដោយ​ស្ងាត់ៗ ហើយ​នឹង​ឈានទៅដល់​ការ​ឱបថើប បបោស​អង្អែល និង​ចុងក្រោយ គឺ​ការ​រួមមេត្រី ស្រី​នឹង​ស្រី​ដូច​គ្នា​។​

​ភ្លើង​ស្នេហ៍​កំពុង​ឆេះ​ក្តៅ​ងំ ណា​រ៉េ​ន​មិន​ចង់​លាក់លៀម​រឿង​នេះ​ទៀត​ទេ​។ នាង​សម្រេច​ចិត្ត​ប្រាប់​ឪពុក​ម្តាយ​ឲ្យបាន​ដឹង ដោយ​នាង​យល់ថា ឪពុក​ស្រលាញ់ ប្រហែលជា​អាច​ធ្វើ​តាម​បំណង​ស្នេហា​ភេទ​ដូចគ្នា​។​

​ប៉ុន្តែ​ គ្រាន់តែ​ឮ​ដំណឹង​នេះ​ភ្លាម ម្តាយ​ឪពុក ដែល​ធ្លាប់តែ​ផ្តល់​ក្តីស្រលាញ់ និង​មិន​ដែល​ជំទាស់​អ្វី​ជាមួយនឹង​ណា​រ៉េ​ន បាន​ប្រែ​ទឹកមុខ​ភ្លាម​។ នេះ​ជា​សញ្ញា​បញ្ជាក់​ពី​ការ​បដិសេធ​របស់​ម្តាយ​ឪពុក ណា​រ៉េ​ន ចំពោះ​ស្នេហា​ខុស​ប្រពៃណី ភេទ​ដូចគ្នា ស្រី និង​ស្រី​។​

​ណា​រ៉េ​ន បាន​ទទួល​ចំលើយ​ពី​អ្នកមានគុណ​យ៉ាង​ជាក់ច្បាស់​ថា លោក​មិន​គាំទ្រ​ឲ្យមាន​ការ​ស្រឡាញ់​គ្នា ខុស​ប្រក្រតី​នេះ​ទៀត​ទេ​។ ប៉ុន្តែ​ស្នេហា​របស់​នាង មិនទាន់​បាន​បញ្ចប់​ឡើយ គឺ​នៅតែ​ស្រលាញ់​គ្នា​ធម្មតា​។​

​ណា​រ៉េ​ន បាន​និយាយថា “​ខ្ញុំ​ចង់​រស់នៅ​ជា​ប្តី​ប្រពន្ធ ជាមួយ​ស្រី​ស្នេហ៍​សំណប់​ចិត្ត​របស់ខ្ញុំ​។ យើង​ក៏​មានគំនិត​ចង់រ​ត់​ទៅ​ណា​ឆ្ងាយ ប្រសិនបើ​គ្មាន​អ្នកគាំទ្រ​រវាង​ស្នេហា​របស់​យើង​ទេ​”​។

​ពេលវេលា​ រំកិល​ទៅមុខ​ពីមួយថ្ងៃ​ទៅមួយថ្ងៃ ក្តី​ស្រលាញ់​របស់ ណា​រ៉េ​ន កាន់តែ​កើនឡើង​ទ្វេដង​។ ប៉ុន្តែ​អ្វី​ដែល​នឹកស្មាន​មិន​ដល់​នោះ គឺ​មនុស្ស​ស្រី ដែល​ណា​រ៉េ​ន ស្រលាញ់​បាត់​មុខ​មិន​បាន និង​ហ៊ាន បូជា​អ្វី​គ្រប់​យ៉ាងនោះ បាន​ប្រាប់​ណា​រ៉េ​ន​ថា “​យើង​បែក​គ្នា​ទៅ​ល្អ​ជាង ល្មម​ដល់​ពេល​បញ្ចប់​ល្បែង​ស្នេហ៍ ភេទ​ដូចគ្នា​នេះ​ហើយ​”​។​

​ដុំ​ ទឹកនេត្រា​របស់​នារី​អភ័ព​រូបនេះ បាន​ស្រក់​ហូរ​ជាថ្មី​ម្តងទៀត​ហើយ​។ និយាយ​ទាំង​អួលដើមក​រកកល​នឹង​យំ​សឹតសក ណា​រ៉េ​ន លើកឡើងថា “​គូស្នេហ៍​របស់ខ្ញុំ ជា​ស្ត្រី​ម្នាក់ ដែល​មាន​ការងារ​ល្អ នៅក្នុង​សង្គម ហើយ​ប្រសិន​ជា​រឿងនេះ ដឹង​ទៅ​ដល់ ម្តាយ​ឪពុក​របស់​គេ​នោះ លោក​ទាំង​ពីរ​ក៏​មុខ​តែ​មិន​យល់ព្រម​នឹង​រឿង​ស្នេហា​ភេទ​ដូចគ្នា​នេះ​ឡើយ​”​ ។

​ណា​រ៉េ​ន បាន​បញ្ជាក់​ដោយ​ភាព​ជឿជាក់​លើ​ដៃគូ​នាង​ថា ការ​ដែល​សង្សារ​របស់​នាង សុំ​បែក​គ្នា​នេះ មិនមែន​មកពី​មាន​ប្រុស​ណា មក​ស្រលាញ់​នាង​ឡើយ​។ គ្រាន់តែ​ស្នេហា​ភេទ​ដូចគ្នា ប្រសិន​នៅ​បន្ត វា​គ្មាន​លទ្ធផល​ល្អ និង​ធ្វើឲ្យ​ខូចអនាគ​តរៀងៗ​ខ្លួន​ទៀត​ផង​។​

​បើ ​ជា​យ៉ាងណា​ក៏ដោយ សង្គម​សព្វថ្ងៃនេះ ក្រុម​ស្រី​ស្រលាញ់​ស្រី មិន​មាន​សកម្មភាព​ខ្លាំង​ក្លា ឬ​បង្ក​ភាព​ងាយ​ប្រឈម​នឹង​ការរីក​រាលដាល​មេរោគ​អេដស៍​/​ជម្ងឺអេដស៍ ដូច​ក្រុម​បុរស​ស្រឡាញ់​បុរស​ក្តី ក៏​ក្រុម​គ្រួសារ​របស់​ពួកគេ នៅតែ​មាន​ការព្រួយបារម្ភ​ខ្លាំង​ដែរ រហូត​មាន​គ្រួសារ​ខ្លះ បាន​បំបែក​ស្រី​ស្រលាញ់​ស្រី ចេញ​ពី​គ្នា និង​ប្តឹង​ចាប់​ស្រី ដែល​ដើរតួ​ជា​បុរស ដាក់ពន្ធនាគារ​ថែម​ទៀត​។​

​យ៉ាងណាក៏ដោយ លោក មុន្នី ថាច អ្នកសម្របសម្រួល​ថ្នាក់ជាតិ របស់​បណ្តាញ​ចតុមុខ នៃ​ក្រុម​បុរស​ស្រលាញ់​បុរស បាន​កត់សម្គាល់​ថា ទោះបី​ពុំទាន់​មានការ​ស្រាវជ្រាវ​ណាមួយ ដែល​បញ្ជាក់​បាន​ថា មាន​កត្តា​អ្វីខ្លះ ដែល​ជំរុញ​ឲ្យមាន​ស្រី្ត​ស្រលាញ់​ស្ត្រី  ឬ​របាយការណ៍​របស់​អង្គការ​ស្ថាប័ន​ណាមួយ បញ្ជាក់​ពី​ចំនួន​ច្បាស់លាស់​លើ​សេ្ន​ហា​ភេទ​ដូច​គ្នា​យ៉ាងណាក្តី ក៏​ការស្រឡាញ់​ភេទ​ដូចគ្នា​ស្រី និង​ស្រី ឬ​បុរស និង​បុរស កំពុង​កើតមាន​ច្រើន នៅក្នុង​សង្គម​កម្ពុជា សព្វថ្ងៃ​៕​

CCHR : Project Coordinator Post ខែមករា 12, 2012

Posted by មេឃា in English Specialist, Job Advertisement, Legal Specialist.
add a comment

JOB VACANCY

The Cambodian Center for Human Rights (CCHR), a non-governmental, non-political and independent human rights organization, is currently recruiting a qualified Cambodian national to fill the position of Project Coordinator for the European Union funded project of “the Cambodian Land Reform” to be based in Phnom Penh and travel to the provinces as required.

 

Position:  Project Coordinator for “the Cambodian Land Reform” Project

 

Salary:  from US$ 800 to US$ 1,000 per month depending on experiences and qualification


Duties and Responsibilities:

Reporting to the CCHR Management Committee

  • Oversee the development and delivery of the project
  • Develop and oversee the implementation of the strategies to generate a policy debate about land
  • Conduct, delegate, and oversea research related to land situation and policy
  • Engage with different stakeholders  over the course of project implementation

 

Requirements:

  • University degree in a discipline relevant to the role;
  • Fluency in written and spoken Khmer and English;
  • An understanding of the human rights situation in Cambodia; especially, the situation of land rights;
  • Knowledge of international and domestic law related to human rights.
  • Possess the skills to be a decisive and enabling manager, with the ability to motivate others;
  • Strong public speaking ability and advocacy skills;
  • An awareness of the personal strengths and weaknesses, be highly self-motivated and able to work with limited supervision; and
  • At least two of Project management experience

 

Submission of Applications:

Interested-qualified candidates should submit their CV and Letter of Interest to CCHR’s office address:

# 798, Street 99, Sangkat Boeung Trabek, Khan Chamkamorn, Phnom Penh, Phone number: 023 726 901 or via email at vacancy@cchrcambodia.org; Only shortlisted candidates will be contacted for interview. Closing date is Wednesday 25th January 2012, 5.00 pm. Women and those with disadvantage background are encouraged to apply.

 

Download Full Announcement CCHR-ProjectCoordinator

ឡូយ៩ ខែមករា 5, 2012

Posted by មេឃា in កខគឃង.
add a comment

Angry Birds on PC ខែមករា 4, 2012

Posted by មេឃា in កខគឃង, កំសាន្ត/Entertainment.
2 comments

តើ​អ្នក​ចង់​លេង​ Game Angry Birds អត់ !? Angry Birds ល្បីណាស់ណា ! បើ​អ្នក​ជាមនុស្ស​ទាន់​សម័យ​គួរតែ​រៀន​លេងវា​ទៅ !…

ចូលទៅដោត​ឡូត​តាម​គេហទំព័រ​ខាងក្រោមនេះ…

ចុច លើ រូប ដើម្បី ដោនឡូត...

ហ៊ុន សែន on km.Wikipedia.org ខែធ្នូ 28, 2011

Posted by មេឃា in នាយករដ្ឋមន្ត្រី.
add a comment

ហ៊ុន សែន

លោក ហ៊ុន សែន បច្ចុប្បន្ន​ជា​​នាយក​រដ្ឋមន្ត្រី​​ប្រទេស​​កម្ពុជា ​លោក​មាន​គោរម​​ងារ​ជា សម្តេច​អគ្គមហាសេនាបតី តេជោ ហ៊ុន សែន ហើយ​​បច្ចុប្បន្ន ហើយ​​​លោក​​ជា​​មេ​ដឹកនាំ​​ដ៏​​សំខាន់​​មួយ​រូប​​ក្នុង​ជួរ ​គណបក្ស​ប្រជាជន​កម្ពុជា​ផង​ដែរ កាលពីឆ្នាំ​១៩៧៩​ លោក​​បាន​​ដឹក​នាំ​​ទ័ព​​ដែល​​មាន​​ការ​​ចូល​រួម​ពី​ទ័ព​ភាគី​ប្រទេស​​វៀតណាម​​ដើម្បី​​ផ្តួល​​រលំ​របប​​ខ្មែរ​ក្រហម។ លោក​ក៏ជា ​សមាជិក​​ទាហាន​ខ្មែរ​ក្រហម ដែល​​បាន​​រត់​គេច​​ទៅ​​ប្រទេស​​វៀតណាម មុន​ឆ្នាំ​១៩៧៩ ហើយ​​បាន​​ទាក់ទង​​បញ្ជាទ័​ព​​ប្រទេស​​វៀតណាម ដើម្បី​​​វាយ​​​បក​​​រំលំ​​​ខ្មែរ​ក្រហម​​វិញ។​ ហើយ​​ចាប់​ពី​​ពេល​នោះ​​មក​​គាត់​ក៏​​បាន​​ក្លាយ​​ជា​​មនុស្ស​​ម្នាក់​​ដែល​​មាន​ ឥទ្ធិពល​ និង​កេរ្ត៏ឈ្មោះ​ល្បីល្បាញ។

ជីវប្រវត្តិ

សម្តេច​នាយក​រដ្ឋមន្ត្រី ហ៊ុន សែន កើត​នៅ​ថ្ងៃ​ទី៥ ខែ​សីហា ឆ្នាំ​១៩៥២ (ក្នុង​ប្រវត្តិរូប​​ផ្លូវការ ថ្ងៃទី៤ ខែមេសា ឆ្នាំ១៩៥១) នៅឃុំ ពាម​កោះស្នា ស្រុក ​ស្ទឹងត្រង់​ ខេត្ត​កំពង់ចាម ប្រទេស​កម្ពុជា។ ក្រោយពី​​សម្តេច​បាន​​បញ្ចប់​បឋម​សិក្សា នៅឯ​​ស្រុកកំណើត នៅឆ្នាំ​១៩៦៥​ សម្តេច​បាន​​មករស់នៅ​​ រាជធានី​ភ្នំពេញ ដោយ​​ស្នាក់នៅ​​ វត្តនាគវ័ន និង​សិ​ក្សា​​នៅ​​វិទ្យាល័យ​ឥន្ទ្រទេវី​​ដើម្បីបន្ត​ការ​សិក្សា​ ថ្នាក់​អនុវិទ្យាល័យ។
នៅឆ្នាំ​១៩៧០ ប្រទេសកម្ពុជា​​បាន​​ធ្លាក់ចូល​​ក្នុង​​ភ្លើង​​សង្គ្រាម។ ដើម្បី​ឆ្លើយតប​​ទៅនឹង​​ការអំពាវនាវ​​ពី សម្តេច នរោត្តម សីហនុ ឲ្យ​ប្រជាជន​កម្ពុជា​​ចូលរួម​​ក្នុង​​ចលនា​​ប្រឆាំង​​នឹង​​ពួកចក្រ​ពត្តិនិយម​​ក្នុង អាយុ ១៨ឆ្នាំ សម្តេច ហ៊ុន សែន បាន​​ចូលរួម​​ក្នុង​​ចលនា​​តស៊ូនេះ។
មុន​ថ្ងៃ ​ទទួល​​ជ័យជំនះ ១៧មេសា ឆ្នាំ១៩៧៥ មួយ​ថ្ងៃ គឺថ្ងៃទី១៦ ខែមេសា ឆ្នាំ១៩៧៥ សម្តេច ហ៊ុន សែន បាន​រង​របួស​​ភ្នែក​ខាងធ្វេង។ ក្រោយ​ពី​​សម្តេច បានជា​សះស្បើយ​​ឡើងវិញ ពីការ​​ព្យាបាល​​អស់​រយៈពេល​​យ៉ាង​យូរ សម្តេច​​បាន រៀប​អាពាហ៍ពិពាហ៍​​ជាមួយ​​លោកជំទាវ ប៊ុន រ៉ានី ​មានកូន​​ប្រុស​បីនាក់ និងកូន​ស្រី​បីនាក់ ក្នុងនោះ​មាន​កូន​ស្រីម្នាក់​​ជា​កូនចិញ្ចឹម (ហ៊ុន ម៉ាណែត, ហ៊ុន ម៉ាណា, ហ៊ុន ម៉ានីត, ហ៊ុន ម៉ានី, ហ៊ុន ម៉ាលី, និង ហ៊ុន ម៉ាលីស)។
ក្នុងឆ្នាំ​១៩៧៧ ដោយ​​មិន​ពេញចិត្ត​​ទៅនឹង​​របប​​នយោបាយ​​ប្រល័យ​​ពូជសាសន៍​ ប៉ុល ពត សម្តេច​បាន ចាកចោល​គ្រួសារ​​ជាទី​​ស្រលាញ់​​ម្ត​ង​ទៀត​ ដើម្បី​​ដឹកនាំ​​ចលនា​​រំដោះ​​ប្រទេស និង​​ប្រជាជន​​ពី​របប​​ដ៏​សាហាវ​​យង់​ឃ្នង​​នេះ។ នៅឆ្នាំ​១៩៧៨ សម្តេច​​បាន​ក្លាយ​​ជាស្ថាបនិក​​មួយ​រូប នៃ​ចលនា​​សង្គ្រោះ​​ជាតិ​កម្ពុជា ហៅថា ​​រណសិរ្ស សាមគ្គី​សង្គ្រោះ​​ជាតិ​​កម្ពុជា ដែល​មាន​​កិច្ច​សហ​​ប្រតិបត្តការ​​ជាមួយ​​ចលនា​​ស្នេហា​មាតុភូមិ​​ជាច្រើន​ទៀត និង​​ការ​គាំទ្រ​ដោយ​​កម្លាំង​​កងទ័ព​​ស្ម័គ្រចិត្ត​​វៀតណាម។ ចលនា​នេះ​​បាន​​ជួយ​រំដោះ​​ប្រទេស និង​​ប្រជាជន​​កម្ពុជា​​អោយ​​រួច​ផុត​ពី​របប​​ប្រល័យ​​ពូជ​សាសន៍​​ប្រជាធិប​តេយ្យ​ក​ម្ពុជា នៅថ្ងៃទី៧ ខែមករា ឆ្នាំ១៩៧៩។
នៅថ្ងៃទី​២៣ ខែ​តុលា ឆ្នាំ១៩៩១ សម្តេច ហ៊ុន សែន គឺជា​​តំណាង​​ហត្ថលេខី​​ដ៏​សំខាន់​​មួយរូប​​ក្នុង​ដំណើរ​​ការ​ កិច្ច​ព្រម​ព្រៀង​​សន្តិភាព​​ទីក្រុង​​ប៉ារីស​ ២៣ តុលា ឆ្នាំ១៩៩១ ជា​លទ្ធផល​​នៃ​កិច្ច​​ព្រម​ព្រៀង​នេះ គឺ ការ​​បោះ​ឆ្នោត​សកល និង​​ដោយ​​សេរី​​មួយ​ ដែល​បាន​​ធ្វើឡើង​ជា​លើក​ដំបូង​​នៅ​ក​ម្ពុជា​​ក្នុង​ឆ្នាំ១៩៩៣។ ពីឆ្នាំ​១៩៩៣-១៩៩៨ សម្តេច​បាន​​កាន់​តួនាទីជា​​សហនាយករដ្ឋមន្ត្រី (នាយក​រដ្ឋមន្ត្រី​ទី២) ក្នុង​​រដ្ឋា​ភិបាល​​ចម្រុះ​​នីតិកាល​ទី១ នៃ​រដ្ឋសភា​ជាតិ
ការបោះ​ឆ្នោត​ជា​សកល​នៅឆ្នាំ១៩៩៨ សម្តេចបាន​​ដឹកនាំ គណបក្សប្រជាជនកម្ពុជា ក្នុងនាម​សម្តេចជា​អនុ​ប្រធាន រហូត​​ទទួល​បាន​​ជោគជ័យ ហើយបាន​​ក្លាយ​​ជា​នាយក​រដ្ឋមន្ត្រី នៃព្រះរាជាណាចក្រកម្ពុជា ​ដឹកនាំ​រដ្ឋាភិបាល​ចម្រុះ នីតិកាលទី២ នៃរដ្ឋសភាជាតិ ដែលមាន​គណបក្សធំៗពីរគឺ គណបក្ស​ប្រជាជន​កម្ពុជា និង​គណបក្ស​ហ៊្វុនស៊ិ​ន​ប៉ិច។ ក្រោមការ​​ដឹកនាំ​​របស់​សម្តេច ប្រទេស​កម្ពុជា​​បាន​ក្លាយ​​ជា សមាជិកទី១០​​នៃ​​ប្រជាជាតិ​អាស៊ី​អាគ្នេយ៍។
ក្នុងនាម​សម្តេច ហ៊ុន សែន ជា​បេក្ខភាព​​នាយក​រដ្ឋមន្ត្រី នៃ​គណបក្ស​ប្រជាជន​កម្ពុជា សម្តេចបាន​​ដឹកនាំ​អោយ​មានជ័យជំនះ​ម្តង​ទៀត​​ក្នុងការ​​បោះឆ្នោត​​ជាសកល​ក្នុង​ ខែកក្កដា​ ​ឆ្នាំ២០០៣។ ក្រោយពី​​មានការ​​ជាប់គាំង​ខាង​នយោបាយ​​អស់​រយៈពេល​​ជាច្រើន​ខែ សម្តេច​​ក៏បា​ន​​ទទួល​​ជោគ​ជ័យ​​ក្នុង​ការ​​បង្កើត រដ្ឋាភិបាលចំរុះ​​ជាមួយ​​នឹង​គណបក្ស​ហ្វ៊ុនស៊ិ​នប៉ិច​​ក្នុងថ្ងៃទី១៥ ខែកក្កដា ឆ្នាំ២០០៤ ហើយបាន​​ក្លាយ​ជា​​នាយក​រដ្ឋមន្ត្រី ដឹកនាំ​រដ្ឋាភិបាល នៃ​ព្រះ​រាជាណា​ចក្រក​ម្ពុជា។
នៅថ្ងៃទី២៥ ខែកញ្ញា ឆ្នាំ២០០៨ ក្រោយពី​​ទទួល​បាន​​ជ័យជំនះ​ក្នុងការ​បោះឆ្នោត​ជា​សកល ២៧កក្កដា ឆ្នាំ២០០៨ ដែល​​គណបក្ស​ប្រជាជន​កម្ពុជា​​ឈ្នះបាន​៩០​អាសនៈ​​លើ​១២៣​អាសនៈ​ក្នុង​សភា​ជាតិ សម្តេច​អគ្គ​មហា​សេនា​បតី​តេជោ ហ៊ុន សែន បាន​ឡើង​កាន់​​ដំណែង​​ជា​​នាយក​រដ្ឋមន្ត្រី​​នៃ​​ព្រះរាជាណាចក្រកម្ពុជា​​ក្នុង នីតិកាលទី​៤ នៃ​រដ្ឋ​សភា​ជាតិ​​សំរាប់​ដំណាក់កាល​​ប្រាំឆ្នាំ (២០០៨-២០១៣)។
ដោយសារ ​ការ​ទទួល​ស្គាល់​ចំពោះ កិច្ច​ខិតខំ​ប្រឹងប្រែង​ក្នុងការ​ផ្សះផ្សា​ជាតិ សន្តិភាព ព្រមជាមួយ​នឹងការ​ខិតខំ អភិវឌ្ឍន៍​សេដ្ឋកិច្ច សម្តេច ហ៊ុន សែន ត្រូវបាន​ប្រទាន​ងារជា “ សម្តេច ” ដោយព្រះមហាក្សត្រ សម្តេច​ព្រះបាទ​ព្រះ​នរោត្តម សីហនុ

ការ​សិក្សា

សម្តេចបាន​បញ្ចប់​បឋមសិក្សា នៅឯ​ស្រុកកំណើត នៅឆ្នាំ១៩៦៥​សម្តេចបាន​មករស់នៅ​រាជធានី​ភ្នំពេញដោយ​ស្នាក់នៅ​វត្តនាគវ័ននិងសិក្សា​នៅ​វិទ្យាល័យ​ឥន្ទ្រទេវី​ដើម្បីបន្ត​ការសិក្សា​ ថ្នាក់អនុវិទ្យាល័យ។

  • នៅឆ្នាំ១៩៩១ សម្តេច​បាន​ទទួល បរិញ្ញាបត្រ​ផ្នែក​នយោបាយពី Cambodian Tertiary Education និង​បណ្ឌិត​វិទ្យា​សាស្ត្រ​នយោបាយ​ពី​National Political Academy នៅទីក្រុងហាណូយ
  • នៅឆ្នាំ១៩៩៥ សម្តេចបាន​ទទួល​បណ្ឌិត​កិត្តិយស “ បណ្ឌិតនយោបាយវិជ្ជាសាស្រ្ត ” ពី​សាកលវិទ្យាល័យ Southern California University for Professional Studies, USA សហរដ្ឋអាមេរិក
  • នៅឆ្នាំ១៩៩៦ សម្តេចបាន​ទទួល​បណ្ឌិតច្បាប់​ពីមហាវិទ្យាល័យ IOWA Wesleyan College, USA សហរដ្ឋអាមេរិក។
  • នៅថ្ងៃទី១០ ខែមេសា ឆ្នាំ២០០១ នាទីក្រុង​សេអ៊ូល គណៈកម្មាធិការ​ផ្តល់​រង្វាន់​នៃ​សាកលវិទ្យាល័យ Graduate School of Dankook University ក្នុងប្រទេស​កូរ៉េខាងត្បូង បានផ្តល់​បណ្ឌិត​កិត្តិយស ផ្នែក​វិទ្យាសាស្រ្ត​នយោបាយ ជូន​សម្តេចនាយករដ្ឋមន្ត្រីហ៊ុន សែន ក្នុង​កិច្ចខិតខំ​ប្រឹប្រែង​ផ្សះផ្សាជាតិ ការស្តារ​ឲ្យមាន​សន្តិភាព និងស្ថិរភាព​ឡើងវិញ​ក្នុងប្រទេសកម្ពុជា ការបង្កើតឲ្យមាន​ទំនាក់ទំនង​ការទូត​រវាង​ប្រទេស​កម្ពុជា និង​សាធារណរដ្ឋកូរ៉េ និងការ​ខំប្រឹងប្រែង​របស់សម្តេច លើកិច្ច​សហប្រតិបត្តិការ​ចំពោះ​ប្រទេស​​ក្នុង អាស៊ាន
  • នៅថ្ងៃទី១៥ ខែវិច្ឆកា ឆ្នាំ២០០១ សម្តេច ហ៊ុន សែន ទទួលបាន​​បណ្ឌិត​កិត្តិយស​​ផ្នែក​ “វិទ្យាសាស្រ្ត​នយោបាយ “(Honoris Causa) ក្នុង​វិស័យ​​ទំនាក់​ទំនង​​អន្តរជាតិ ពី​សាកលវិទ្យាល័យ University of Ramakamheng ប្រទេស ថៃឡង់ដ៍
  • នៅថ្ងៃទី១០ ខែមេសា ឆ្នាំ២០០៤ ទេសាភិបាល និងព្រឹទ្ធសភា នៃសាកលវិទ្យាល័យអន្តរជាតិ អាយរីស Irish International University នៃ​សហភាពអឺរ៉ុប​ក៏បានធ្វើ​អំណោយ​ដ៏ខ្ពង់ខ្ពស់ ​ ថ្នាក់​”បណ្ឌិត​កិត្តិយស​ទស្សនៈ​វិជ្ជា” ក្នុង​ផ្នែក​វិទ្យាសាស្រ្ត​នយោបាយ​ជូន​សម្តេច ហ៊ុន សែន ជាការ​ឆ្លើយតប​ទៅនឹង​ការ​ទទួល​ស្គាល់​​នូវ​ការ​ លះបង់ និងការ​បង្កើត​សមិទ្ធផលធំៗ​របស់សម្តេច។ ក្នុងឆ្នំា​ជាមួយគ្នា​នេះដែរ សាកល​វិទ្យា​ល័យ អន្តរជាតិ អាយរីស​ក៏បាន​ប្រគល់​នូវមេដាយ កិត្តិយសខ្ពស់​បំផុត​ជូនសម្តេច ហ៊ុន សែន ផងដែរ។
  • នៅថ្ងៃទី០៩ ខែកក្កដា ឆ្នាំ២០០៤ សាកលវិទ្យាល័យកម្ពុជា បាន​ប្រគល់​ថ្នាក់បណ្ឌិត​កិត្តិយស ផ្នែក​វិទ្យា​សាស្រ្ត​​នយោបាយ​ជូន​សម្តេច ហ៊ុន សែន ជាការ​ឆ្លើយតប​ទៅនឹង​ការលះបង់​ដើម្បី​សម្រេច​បាន​នូវ​សមិទ្ធ​ផល​ធំៗ ក្នុងការ​ការពារ ការកសាង និងការ​អភិវឌ្ឍន៍​ប្រទេសកម្ពុជា​ក្រោមការ​ដឺកនាំ​ដ៏ឈ្លាសវៃ​របស់​សម្តេច​​តាម ​ វិទ្យាសាស្រ្ត​នយោបាយ​ទំនើប​ជឿនលឿន​ក្នុង​ការកែទម្រង់​គ្រប់វិស័យ ជាពិសេស​វិស័យ​អប់រំ និងរក្សា​ការ​ផ្សះផ្សាជាតិ ស្ថិរភាព សន្តិភាព និង​ការ​បង្រួបបង្រួម​ក្នុងតំបន់។
  • នៅថ្ងៃទី២១ ខែមីនា ឆ្នាំ២០០៦ ក្នុងដំណើរ​ទស្សនកិច្ច​ផ្លូវរដ្ឋ​ទៅកាន់​សាធារណៈរដ្ឋកូរ៉េ​(កូរ៉េខាងត្បូង) សាកលវិទ្យាល័យ ស៊ូន ជុន ហ្យ៉ាង នាទីក្រុង សេអ៊ូល បានធ្វើ​ជាអំណោយ​ថ្នាក់បណ្ឌិត​កិត្តិយស​ទស្សន​វិជ្ជា ផ្នែក​វិទ្យាសាស្រ្ត​នយោបាយ​ជូនសម្តេច ហ៊ុន សែន ដើម្បី​ជា​សក្ខីភាព​នៃការ​ទទួលស្គាល់​លើការ​ដឹក​នាំ​​ប្រកប​ដោយ​គតិ​បណ្ឌិត ក្នុងការ​កសាងឡើងវិញ និងការ​ខិតខំ​ប្រឹងប្រែង លះបង់​កំលាំងកាយ កំលាំង​ចិត្ត​​ក្នុងការ​ស្វែងរក​សន្តិភាព វិបុលភាព ក្នុង​ប្រទេសកម្ពុជា និង​អាស៊ីអាគ្នេយ៍​ទាំងមូល និង​ជាពិសេស​លើ​ការ​​ពង្រឹង​ទំនាក់ទំនង​មិត្តភាព​ជាមួយ សាធារណៈរដ្ឋកូរ៉េ។
  • ថ្ងៃទី២៨ ខែមិថុនា ឆ្នាំ២០០៦ ក្នុងអាកប្បកិរិយា ដោយក្តីគោរព និងកោតសរសើរ​អស់​ពីដូងចិត្ត ចំពោះ​ការ​ចូលរួម​ចំណែក​ដ៏មាន​សារៈសំខាន់​ដ៏សំបូរ​បែប​របស់ សម្តេច ហ៊ុន សែន នៅក្នុង​ពិភពលោក​ដែល​មានការ​អប់រំ និងការ​សម្រេចចិត្ត​ដ៏ត្រឹមត្រូវ ចំពោះ​ប្រជាជន​របស់​សម្តេច និង​ការពង្រឹង​ទំនាក់ទំនង កម្ពុជា-ថៃ​យ៉ាងទូលំទូលាយ។ ក្រុមប្រឹក្សា​នៃសាកលវិទ្យាល័យ​ បានសម្តេចចៅព្រះយ៉ារាជចាផាត់​ បានសម្រេច​ជាឯកច្ឆន្ទ​ប្រគល់​ថ្នាក់បណ្ឌិត​កិត្តិយស​ទស្សនវិជ្ជា​ផ្នែកអប់រំ សំរាប់ការ​អភិវឌ្ឍន៍​តំបន់ ជូន​សម្តេច ហ៊ុន សែន ជាការ​ទទួលស្គាល់​តួនាទី​របស់​សម្តេច​ក្នុងការ​អភិវឌ្ឍន៍​ប្រទេស​តាមរយៈការ​ អប់រំ និងបាន​ចូលរួម​ចំណែក​ក្នុងការ​ពង្រឹង​ទំនាក់​ទំនង​ល្អ​រវាង​ប្រទេស​ទាំងពីរ។
  • នៅថ្ងៃទី២៩ ខែមករា ឆ្នាំ២០០៧ ក្រសួងអប់រំ និងបណ្តុះបណ្តាល​ប្រទេស​វៀតណាម តាមរយៈ​សាកល​វិទ្យាល័យ​ជាតិអប់រំ នាទីក្រុង ហាណូយ​បានផ្តល់​ថ្នាក់បណ្ឌិត​កិត្តិយស(the Degree of Doctor Honoris Causa) ផ្នែក​អប់រំ​ជូន​សម្តេច ហ៊ុន សែន ជាការ​ដឹងគុណ​ចំពោះការ​ចូលរួម​ចំណែក​របស់ប្រទេសកម្ពុជា ក្នុងការ​អភិវឌ្ឍន៍ សេដ្ឋកិច្ច​សង្គម ដែល​ទទួលបាន​លទ្ធផល​យ៉ាង​ឆាប់រហ័ស​របស់ខ្លួន និង​ភាព​រីកចំរើន​គួរ​អោយគាត់​សំគាល់​ក្នុងប៉ុន្នាន​ឆ្នាំថ្មីៗនេះ។
  • នៅថ្ងៃទី៧ ខែមករា ឆ្នាំ២០០៩ ក្នុងរាជធានីភ្នំពេញ គណៈកម្មាធិការ​ផ្តល់​រង្វាន់​នៃ​សាកលវិទ្យាល័យ Graduate School of Dankook University កូរ៉េខាងត្បូង បាន​ផ្តល់​ថ្នាក់​បណ្ឌិត​សេដ្ឋកិច្ច Honoris Causa ជូន​សម្តេចតេជោ ហ៊ុន សែន ជាការ​ទទួលស្គាល់​នូវការ​ចូលរួម​ចំណែក​របស់​សម្តេច ក្នុងដំណើរ​ឆ្ពោះទៅរក​ការ ពង្រឹង​កិច្ចសហ​ប្រតិបត្តការ​រវាង​សាធារណៈរដ្ឋកូរ៉េ និង​ព្រះរាជាណាចក្រកម្ពុជា។

បទពិសោធន៍ការងារ

ចាប់តាំងពីឆ្នាំ១៩៧៩-១៩៩៣ សម្តេច ហ៊ុន សែន បានកាន់​តួនាទី​ជាច្រើន​ក្នុង​រដ្ឋបាល​កម្ពុជា​ (សាធារណៈ​រដ្ឋ​ប្រជាមានិតកម្ពុជា និងបន្ទាប់មករដ្ឋកម្ពុជា) សម្តេច​កាន់​តំណែង​ជា​រដ្ឋមន្ត្រីការបរទេស នៅឆ្នាំ១៩៧៩ ជា​ឧបនាយករដ្ឋមន្ត្រី និងជារដ្ឋមន្ត្រីការបរទេស​ពីឆ្នាំ១៩៨១ ដល់ឆ្នាំ១៩៨៥ និងពីឆ្នាំ១៩៨៥ ដល់ឆ្នាំ១៩៩១ ជានាយករដ្ឋមន្ត្រី និងរដ្ឋមន្ត្រីការបរទេស។
នៅថ្ងៃទី១៥ ខែកញ្ញា ឆ្នាំ២០០៤ សម្តេច ហ៊ុន សែន បាន​ទទួលយក និង​ស្បថចូលកាន់​តំណែងជា​សមាជិក នៃសមាគម​មេធាវីកម្ពុជា (គណៈមេធាវីកម្ពុជា)។ លោក ហ៊ុន សែន បច្ចុប្បន្នជា​នាយករដ្ឋមន្ត្រី​ប្រទេស​កម្ពុជា ហើយ​លោក​ជា​មេ​ដឹកនាំ​ដ៏​សំខាន់​មួយ​រូប​ក្នុង​ ជួរគណបក្សប្រជាជនកម្ពុជាផងដែរ។

កិត្ដិយស គ្រឿងឥស្សរិយយស

  • នៅថ្ងៃទី២ ខែធ្នូ ឆ្នាំ១៩៩៦ សម្តេចបាន​ទទួល​”ពានរង្វាន់សន្តិភាពពិភពលោក” ពី​បណ្ឌិត​សភា​សន្តិភាព ពិភពលោក ជាវីរៈជនទី៦ និង​ជាអ្នក​ទីមួយ​ក្នុង​អាស៊ីខាងត្បូង​ដែល​ទទួលបាន​ពានរង្វាន់​មហាកិត្តិយស​ នេះ។
  • នៅថ្ងៃទី២២ ខែធ្នូ ឆ្នាំ២០០១ ស្រ៊ី ជិនម៉យ​នៃមជ្ឈមណ្ឌល​សន្តិភាព​អន្តរជាតិ បាន​ប្រគល់​ពានរង្វាន់ លើការ​ “លើកកម្ពស់​ពិភពលោក ដោយ​បេះដូង​មានតែមួយ” “Lifting Up the World with a Oneness-Heart” ជូន សម្តេច ហ៊ុន សែន ជាការឆ្លើយតប​ទៅនឹង​ការ​ទទួលស្គាល់​សមិទ្ធផលធំៗ​ទាំងបរិមាណ និងគុណភាព។ ស្រ៊ីជិនម៉យ​បានលើកឡើងសំដៅ សម្តេច ហ៊ុន សែន ជាសាវគ្គ​ដែលត្រូវ​បាន​ជ្រើសរើស​ដោយ​ព្រះពុទ្ធជាម្ចាស់ អោយមក​ជួយ ​ប្រជាជន​កម្ពុជា​រាប់លាននាក់​អោយរួចផុត​ពី​សេចក្តីស្លាប់​ហើយ​ ផ្តល់អោយ​ពួកគេ​នូវ​ចំណេះដឹង ម្ហូបអាហា និងទីជំរក និង​ការកសាង​សាលារៀន មន្ទីរពេទ្យ ប្រឡាយទឹក និង​ដឹកនាំ​ប្រទេសកម្ពុជា​ទៅក្នុងអាស៊ាន
  • នៅថ្ងៃទី០៦ ខែសីហា ឆ្នាំ២០០២ សម្តេច ហ៊ុន សែន ទទួលឋានៈ​ជា​សមាជិក​ពេញ​សិទ្ធ​របស់ បណ្ឌិតសភា​វិទ្យាសាស្រ្ត​ធម្មជាតិ នៃសហពន្ធរុស្សី និងបំពាក់​មេដាយ​កិត្តិយស​ទទួលស្គាល់​ការដឹកនាំ​របស់សម្តេច​ក្នុងការ​ ធ្វើឲ្យ​កម្ពុជាមាន សន្តិភាព ស្ថិរភាព ការ​អភិវឌ្ឍន៍​សេដ្ឋកិច្ច​សង្គម។
  • នៅថ្ងៃទី០៤ ខែកញ្ញា ឆ្នាំ២០០២ គណៈ​កម្មាធិការ​សហព័ន្ធ​វិស្វកម្ម​អាស៊ាន បានធ្វើ​ជាអំណោយ​ដែល​មិនអាច​កាត់ថ្ងៃ​បាន​ជូន សម្តេច ហ៊ុន សែន នូវ​គោរមងារ​ថ្នាក់​កិត្តិយស​ខ្ពស់បំផុត​របស់សហព័ន្ធ​វិស្វកម្ម​អាស៊ានគឺ” សមាជិក​កិត្តិយស​ដ៏ចំណាន​អាស៊ាន​ដែល​ត្រូវបាន​ជ្រើសរើស​ពិសេស” “ASEAN Distinguished Honorary Fellow Member” និងជា​លើកដំបូង​ដែល​មិនធ្លាប់មាន​។ គោរមងារនេះ​គឺឆ្លើយតប​ទៅនឹងការ​ទទួលស្គាល់​នូវ​មនសិការជាតិ និង​សមត្ថភាព នៃអ្នកដឹកនាំ​ក្នុងការ​បញ្ចប់​សង្គ្រាម​ផ្ទៃក្នុង ការស្តារ និងអភិវឌ្ឍន៍ លើគ្រប់វិស័យ​ហើយ​ផ្តល់​ឳកាស​ឲ្យ​វិស្វករ​កម្ពុជា បាន​ចូលរួម​ក្នុង​ដំណើរ​ការអភវឌ្ឍន៍ និងការ​កសាង​ប្រទេសជាតិ​ឡើងវិញ។
  • នៅថ្ងៃទី០៦ ខែកញ្ញា ឆ្នាំ២០០៥ ស្រ៊ី ជិនម៉យ​នៃមជ្ឈមណ្ឌល​សន្តិភាព​អន្តរជាតិ បានផ្តល់​ពានរង្វាន់​មួយទៀត គឺពានរង្វាន់ សន្តិភាព​យ៉ូថាន់(the U Thant Peace Award) ជូនសម្តេច ​ជាការ​កោតសរសើរ​អស់ពី​ដូងចិត្ត​ចំពោះសម្តេច​បានផ្តល់​សេវា​មិនចេះ​នឿយហត់ ធ្វើឲ្យ​មានការ​រីកចំរើន​ក្នុង​ប្រទេសកម្ពុជា និងបណ្តា​ប្រជាជាតិ​អាស៊ាន​ទាំងមូល។
  • ថ្ងៃទី២៧ ខែកក្កដា ឆ្នាំ២០០៧ សមាគម​ទទួលស្គាល់ “ អ្នកការទូតដ៏ប៉ិនប្រសប់ ” ដែលជា​អង្គការ​ទទួលស្គាល់​អ្នកការទូត ហើយ​ក៏ជា​អង្គការ​ជំនាញ​អន្តរជាតិ​ឯករាជទី១ ប្រចាំ​នៅ​ទីក្រុងឡុងដ៍ ចក្រភពអង់គ្លេស បាន​ទទួលស្គាល់ សម្តេច ហ៊ុន សែន ថា​ជាអ្នក​ការទូតម្នាក់ ក្នុងចំណោម​អ្នកការទូត​ដែលមាន​ជំនាញ​ប៉ិនប្រសប់ ល្អឥតខ្ចោះ ប្រកបដោយ​កិត្តិយស ដែលមាន​សិទ្ធជានិច្ច ក្នុងការ​ទទួលយក​នូវកិត្តិយសជា” អ្នកការទូតដ៏ប៉ិនប្រសប់ “ C Dipl” ជាការតបស្នងទៅនឹង​ភាពជោគជ័យ និង​ការបំពេញ​បន្ថែម​នូវតំរូវការ​តាមបញ្ញត្ត​របស់សមាគម​ទទួលស្គាល់ “អ្នកការទូតដ៏ប៉ិនប្រសប់ “ (ACCD) និងតាមរយៈ​សេចក្តី​សុចរឹត ការប្តេជ្ញាចិត្ត និង​សមិទ្ធផល​លេចធ្លោរ​ផ្នែកការទូត និង​ការកសាង​សន្តិភាព។ ហើយនៅថ្ងៃទី២១ ខែកញ្ញា ឆ្នាំ២០០៧ សមាគម​ទទួលស្គាល់ “អ្នកការទូតដ៏ប៉ិនប្រសប់ “ បានប្រគល់​ពានរង្វាន់ “អ្នកការទូតដ៏ប៉ិនប្រសប់ “ “C Dipl” ដែល​ជា​ភាតរភាព​កិត្តិយស មិត្តភាព​នៃអ្នក​ការទូត ជូនសម្តេច ហ៊ុន សែន។
  • នៅថ្ងៃទី១២ ខែតុលា ឆ្នាំ២០០៧ ព្រះករណា ព្រះបាទ សម្តេចព្រះបរមនាថ​ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រកម្ពុជា​បាន​ប្រោសប្រទាន គោរមងារ​សម្តេច ហ៊ុន សែនជា “ សម្តេចអគ្គមហាសេនាបតីតេជោ ហ៊ុន សែន ”​ដោយ​ទ្រង់យល់​ថា សម្តេច គឺជា​ថ្នាក់ដឹកនាំ​ដែល​ទទួលបាន​ជោគជ័យ និង​កិត្តិសព្ទល្អៗ​យ៉ាងច្រើន​មិនអាច​កាត់ថ្លៃបាន ដោយ​ទទួលបាន​នូវ​ក្តីស្រឡាញ់​ពីប្រជាជន ដឹកនាំប្រទេស អាស្រ័យ​រដ្ឋធមនុញ្ញ​ឆ្នាំ១៩៩៣​នៃព្រះរាជាណាចក្រកម្ពុជា នាំមក​នូវ​សន្តិភាពជាតិទាំងមូល ស្ថិរភាព បង្រួប​បង្រួម​ជាតិ សេដ្ឋកិច្ច និងការ​អភិវឌ្ឍន៍​លើគ្រប់​វិស័យ ការពារ​លិទ្ធិ​ប្រជាធិប្ប​តេយ្យ សម្រេច​បាន​កិច្ចសហ​ប្រតិបត្តិការ អន្តរជាតិ​ជាវិជ្ជមាន រក្សានិងការពារ​ឯករាជ្យ​ជាតិ បូរណភាព​ទឹកដី ដើរតាម​សម័យ​សង្គម​រាស្រ្ត​និយម នាំមកនូវ​ការ​កសាង ការ​គោរព​យ៉ាង​ទូលំ​ទូលាយ និងភាព​រីកចំរើន​នៃព្រះពុទ្ធ​សាសនា​ដែល ​ជាសាសនា​របស់រដ្ឋ និង​សាសនា​ដ៏ទៃទៀត មានភក្តីភាព​ចំពោះ​រាជបល្ល័ង្ក និង​ការពារ​យុត្តិធម៌​ដើម្បី​និរន្តរភាព នៃរាជាធិបតេយ្យ ក្នុង​ព្រះរាជាណាចក្រកម្ពុជា
  • នៅថ្ងៃទី៧ ខែមករា ឆ្នាំ២០០៨ សម្តេចអគ្គមហាសេនាបតីតេជោ ហ៊ុន សែន បាន​ទទួល​គោរមងារ​ជា “ ព្រឹទ្ធបុរសអស់មួយជីវិត” និង “ឯកអគ្គរាជទូតដ៏ឆ្នើមដឹកនាំពិភពលោក” ពីរដ្ឋសភា​អន្តរជាតិ​ដើម្បី​ស្ថិរភាព​និង​សន្តិភាព។ តាមរយៈ Universidad Empresarial de Costa Ricaក៏បានផ្តល់គោរមងារ​ជា “សាស្ត្រាចារ្យ​កិត្តិយស​នៃទំនាក់ទំនង​ការទូត និងអន្តរជាតិ” ជូន​សម្តេចអគ្គមហាសេនាបតីតេ ជោហ៊ុន សែន ជាការគោរព និងកោត​សរសើរ​អស់​ពី​ដួងចិត្ត​នូវភាព​វាងវៃ​ប្រកបដោយ​គតិបណ្ឌិត​ ដែលសម្តេចតេជោ មាន​សេចក្តី​ក្លាហាន​ក្រោកឈរ​ឡើង ក្នុងសតវត្សរ៍​ទីម្ភៃ​ដើម្បី​ជួយ​សង្គ្រោះ​អាយុជីវិត​មនុស្ស​រាប់លាននាក់ រួបរួមកំលាំង​ជាមួយគ្នា និងការ​ខិតខំ​ប្រឹងប្រែង​ផ្ទាល់ខ្លួន ដើម្បី​ផ្តល់សេរីភាព​ជូនប្រជាជន​ក្នុងគ្រា​ដ៏យ៉ាងលំបាក ហើយ​រក្សាបាន​នូវ​វិបុលភាព សេរីភាព និងសុភមង្គល និងជ័យជំនះ​ថ្ងៃ៧មករា១៩៧៩ បានផ្តល់​អោយ​ប្រជាជនកម្ពុជា​នូវ អនាគតរុងរឿង វប្បធម៌រឹងមាំ និង​លិទ្ធិ​ប្រជា​ធិប្ប​តេយ្យ។
  • នៅថ្ងៃទី២៥ ខែវិច្ឆកា ឆ្នាំ២០០៨ នៅទីក្រុងវៀងចន្ទ័ប្រទេសឡាវ ប្រធានាធិបតី ជុំម៉ាលី សាយ៉ាសន បានប្រគល់​មេដាយមាស​ថ្នាក់ជាតិឡាវជូន សម្តេចតេជោ ហ៊ុន សែន ជាការ​ទទួលស្គាល់​កិច្ច​ខិតខំ​ប្រឹងប្រែង​របស់ សម្តេចតេជោ ក្នុងការបង្កើន​ទំនាក់ទំនង បង្កើត​ស្ថានភាព​ល្អ និងការ​អភិវឌ្ឍ​សេដ្ឋកិច្ច សង្គមកិច្ច និង​វប្បធម៌​រវាងឡាវ-កម្ពុជា។

 

តាមដាន

Get every new post delivered to your Inbox.

Join 66 other followers

%d bloggers like this: